لازوال ڈیسک
ڈوڈہ// ڈپٹی کمشنر ڈوڈہ، ہرویندر سنگھ نے آج یہاں ایک میٹنگ میں 0 سے 6 سال کی عمر کے بچوں کے لیے غذائی امدادی نظام، صحت کی خدمات، امیونائزیشن، اور غیر رسمی پری اسکول ایجوکیشن پر مشتمل آئی سی ڈی ایس سیکٹر کی خدمات کے نفاذ کا جائزہ لیا۔ ڈی سی آفس کمپلیکس میں منعقد ہوا۔یہ خدمات مشن پوشن کی چھتری کے تحت فراہم کی جاتی ہیں۔جائزہ اجلاس میں ضلع کے تمام 8 پوشن پروجیکٹوں کے چیف پلاننگ آفیسر، ڈی پی او آئی سی ڈی ایس، اور چائلڈ ڈیولپمنٹ پروجیکٹ افسران نے شرکت کی۔میٹنگ میں بنیادی طور پر آئی سی ڈی ایس کے کاموں پر تبادلہ خیال کیا گیا، بشمول آنگن واڑی مراکز کے کام کاج، اور خدمات کی فراہمی میں پائے جانے والے خلاء کا جائزہ لیا گیا۔وہیںڈپٹی کمشنر نے 8 آئی سی ڈی ایس پروجیکٹوں کے سی ڈی پی اوز سے کہا کہ وہ کام کاج کا جائزہ لینے کے لیے اپنے آنگن واڑی مراکز کا باقاعدگی سے دورہ کریں۔ انہوں نے کارکنوں، لمبرداروں، چوکیداروں اور دیگر شعبوں کے کارکنان کے درمیان ہموار تال میل کی ضرورت پر زور دیا تاکہ نشانہ بنائے گئے بچوں، نوعمر لڑکیوں، حاملہ اور دودھ پلانے والی خواتین کے لیے خدمات کی تاثیر کو بڑھایا جا سکے۔
