مصداق اعظمی
ہجومِ شہر میں کچھ یوں بھی کر لیا جائے
ملے جگہ تو کہیں پاؤں دھر لیا جائے
ذرا سکون ذرا اطمینان کی خاطر
ذرا سی دیر کی خاطر ہی مر لیا جائے
کرائے دار کے خواہش نہیں یہ نیت ہے
کہ اب مکان نہیں کوئی گھر لیا جائے
چلو غزل کے بہانے کسی کی انکھوں میں
تلاش کرتے ہوئے کچھ اتر لیا جائے
کئی ہزار نے سوچا بھی تو یہی سوچا
اس اک حسین کا کس طرح سر لیا جائے
ہماری بات کی قیمت ہے بس یہی مصداق
ہماری بات کا دل پر اثر لیا جائے
