کہاعبداللہ، مفتیوں اور گاندھیوں کے مظالم کا ٹرائل ہونا چاہیے
لازوال ڈیسک
جموں؍؍ سینئر بی جے پی لیڈر اور ممبر پارلیمنٹ (راجیہ سبھا)، غلام علی کھٹانہ نے جمعرات کو کہا کہ کانگریس کے ساتھ ساتھ کشمیر پر مبنی نیشنل کانفرنس (این سی) اور پیپلز ڈیموکریٹک پارٹی (پی ڈی پی)صرف اپنی گندی سیاست چمکانے کے لیے گزشتہ برسوں میں 40 ہزار بے گناہ کشمیریوں کے قتل کے ذمہ دار ہیں۔ کھٹانہ نے اپنی رہائش گاہ پر کچھ وفود کے مسائل سنتے ہوئے کہا کہ حکومت کو ان سیاسی جماعتوں کے خلاف جلد از جلد ٹرائل شروع کرنا چاہیے اور ان کے سرپرستوں جیسے گاندھیوں، عبداللہ اور مفتیوں کے خلاف مقدمہ درج کیا جائے تاکہ 40 ہزار بے گناہ کشمیریوں کو انصاف فراہم کیا جا سکے۔
انہوں نے کہاکہ کشمیری کبھی پرتشدد نہیں تھے بلکہ تصوف کے پیروکار تھے اور روحانی اور پرامن زندگی گزارتے تھیلیکناین سی، کانگریس اور پی ڈی پی نے کشمیریوں کے معصوم ذہنوں کو مشتعل کیا اور انہیں بندوق کے کلچر کا چارہ بنایا۔بی جے پی لیڈر نے مزید کہا کہ کشمیر میں لاتعداد خواتین کو بیوہ بنانے اور بہت سے بچوں کو یتیم بنانے کے لیے این سی، کانگریس اور پی ڈی پی کو قانون کے تحت سخت سزا دی جانی چاہیے۔
کھٹانہ نے کاہے کہ مفتیوں اور عبداللہ نے اپنے دور حکومت میں جنت ارضی کو لہولہان کر دیا، وہ وادی کشمیر میں اجتماعی قبرستانوں کے بے شرم تخلیق کار تھے جوچرار شریف وغیرہ جیسے تاریخی عبادت گاہوں کو نشانہ بنانے سے بھی باز نہیں آئے۔انہوں نے کہا کہ اب گزشتہ 10 سالوں سے پی ایم مودی کے دور حکومت میں کشمیری عوام پرامن اور مطمئن زندگی گزار رہے ہیں۔ایم پی راجیہ سبھا نے کہا کہ کشمیر میں مکمل امن ہے اور سیاح وادی کی کسی بھی تنگ گلی میں بغیر کسی خوف کے آزادانہ گھومتے ہیں اور کشمیر کو انقلابی اور بصیرت والے لیڈر پی ایم مودی نے زمین پر جنت کی اپنی پرانی شان میں پوری طرح سے بحال کردیا ہے۔انہوں نے کہا کہ آج کشمیر کا نوجوان اپنے حقوق اور فرائض سے بخوبی واقف ہے اور وہ ہندوستان کی اعلیٰ خدمات میں شامل ہو رہا ہے ۔
