آر او جموں سچن کمار نے گنتی مراکز میں تیاریوں کا جائزہ لیا
لازوال ڈیسک
جموں// ریٹرننگ آفیسر 05جموں پارلیمانی حلقہ، سچن کمار ویشیا نے آج یہاں گورنمنٹ پولی ٹیکنک کالج اور ایم اے ایم کالج میں گنتی مراکز کا وسیع معائنہ کیا۔وہیں اس دوارن ایس ایس پی ڈاکٹر ونود کمار اور دیگر اہم افسران کے ساتھ آر او نے 4 جون کو طے شدہ لوک سبھا انتخابات میں ووٹوں کی گنتی کی تیاریوں کو حتمی شکل دی۔جبکہ اس معائنہ کا مقصد گنتی کے بغیر کسی رکاوٹ اور شفاف گنتی کے تمام ضروری انتظامات کی فراہمی کو یقینی بنانا تھا۔ دریں اثناء آر او نے مقامات پر حفاظتی اقدامات، لاجسٹکس اور ضروری سہولیات کا جائزہ لیا۔ اس میں نیم فوجی اور جموں و کشمیر پولیس (جے کے پی) کے اہلکاروں کی تعیناتی کے ساتھ ساتھ گنتی کے عملے اور ایجنٹوں کے سیٹ اپ کا تفصیلی جائزہ بھی شامل ہے۔
وہیںمعائنے کے دوران موجود دیگر افسران میں اے ڈی ڈی سی شیر سنگھ، اے آر اوز، ڈائریکٹر آئی ٹی (ڈی آئی او این آئی سی جموں) سنجیو کپور، ایس ایس پی ٹریفک فیصل قریشی، ڈی آئی اوز شامل تھے۔توجہ کے اہم شعبوں میں بیریکیڈنگ، مراکز کے ارد گرد ٹریفک کا انتظام، پارکنگ کی سہولیات، گنتی کے عملے اور ایجنٹوں کے لیے داخلہ پروٹوکول اور کنٹرول رومز کا قیام شامل ہے۔ علاوہ ازیںپینے کے پانی، موبائل بیت الخلاء ، صفائی ستھرائی، پبلک ایڈریس سسٹم اور فائر ٹینڈر جیسے اضافی انتظامات کا بھی جائزہ لیا گیا۔
وہیںسچن کمار نے سیکورٹی پروٹوکول پر سختی سے عمل کرنے پر زور دیا اور الیکشن کمیشن آف انڈیا کے رہنما خطوط کے مطابق الیکٹرانک ووٹنگ مشینوں (ای وی ایم) کو سنبھالنے اور اس کی نقل و حرکت سے متعلق ہدایات جاری کیں۔ انہوں نے سیکورٹی کو برقرار رکھنے کے لیے مرکزی نیم فوجی دستوں اور جے کے پولیس کی موجودگی کا بھی جائزہ لیا۔اس دورے میں بجلی کی فراہمی، پانی کی مناسب فراہمی، میڈیا مینجمنٹ اور انٹری پاسز کے اجراء کے نتظامات کا جائزہ بھی شامل تھا، اس بات کو یقینی بناتے ہوئے کہ ووٹوں کی گنتی کے لیے تمام پہلوؤں کی احتیاط سے منصوبہ بندی کی گئی تھی۔
