مرکز میں اگلی حکومت کانگریس بنائے گی:سنجے منہاس
لازوال ڈیسک
بٹوتکانگریس سیوہ دل کے جنرل سیکریٹری سنجے منہاس کی قیادت میں یہاں بٹوت میں پارٹی کارکنان کا ایک اجلاس منعقد کیا گیا جہاں منہاس نے کارکنان کو ملک اور ریاست کی سیاسی صورتحال کے متعلق جانکاری فراہم کی ۔انہوں نے کہا کہ ہر لہر کانگریس کے حق میں ہے اس لئے ہمیں ڈوڈہ کٹھوعہ پارلیمانی حلقہ انتخاب میں وکرم ادتیہ سنگھ کی کامیابی کیلئے محنت کرنی چاہئے ۔منہاس نے اس موقع پر دیگر سیاسی جماعتوں پر وار کرتے ہوئے کہا کہ کئی لیڈران یہاں ووٹ بینک کی خاطر آتے ہیں جبکہ خطہ چناب کے ووٹران گزشتہ رکن پارلیمان کے رپورٹ کارڈ سے واقف ہیں ۔انہوں نے کہا کانگریس امیدوار وکرم ادتیہ سنگھ مہاراجہ ہری سنگھ کے پوتے ہیں جنہوں نے ہمیں انگریز راج سے نجات دلائی تھی ۔انہوں نے عوام سے اپیل کرتے ہوئے کہا کانگریس امیدوار وکرم ادتیہ سنگھ کے حق میں ووٹ ڈالیں اور کانگریس کو کامیاب بنائیں۔اس موقع پر ضلع صدر کانگریس سیوہ دل مصبر علی، سینئر کانگریس لیڈر شکیل سنگھ، اشرف علی ڈار، شنکر سنگھ، منجیت سنگھ و دیگران موجود تھے ۔
