ڈاکٹر راجہ شوکت ادبی شخصیت،شعبے کیلئے سودمندثابت ہونگے:مقررین
لازوال ڈیسک
بھدرواہ ڈگری کالج بھدرواہ کے شعبہ اردونے کالج کے پی جی کے سیمینار ہال میں نئے ٹرانسفر ہونے والے سینئر اسسٹنٹ پروفیسر ڈاکٹر راجہ شوکت کے حق میں ایک استقبالیہ پارٹی/پروگرام کا انعقاد کیا۔ وہیںپروگرام کا آغاز ڈاکٹر سنجے کمار جونیئر (اسٹاف سکریٹری) کے خطبہ استقبالیہ سے ہوا۔اپنے خطاب کے دوران انہوں نے شعبہ اردو کی جانب سے ڈاکٹر راجہ شوکت کا خیرمقدم کیا۔اس موقع پر ڈاکٹر جاوید شاہ سابق ایچ او ڈی اردو بھی موجود تھے۔ اپنے خطاب کے دوران انہوں نے کہا کہ ڈاکٹر شوکت ایک ادبی شخصیت ہیں اور شعبہ کے لیے اپنی محنت اور لگن کے لیے جانے جاتے ہیں۔ انہوں نے مزید کہا کہ وہ اردو دنیا کے ممتاز دانشور ہیں اور انہوں نے اردو زبان و ادب کی ترقی کے لیے بہت کچھ کیا ہے۔ انہوں نے کہا کہ ڈاکٹر شوکت کو سکول ایجوکیشن اور ہائیر ایجوکیشن ڈیپارٹمنٹ میں بیس سال سے زائد کا تجربہ ہے اور وہ دس سے زائد نمایاں کتابوں کے مصنف ہیں۔
