ادے پور، //راجستھان کے ادے پور میں جمعرات کو میواڑ ٹورزم کپ کے فائنل میچ میں میواڑ ٹورزم کلب نے کپتان پرتیک پریہار کے ناٹ آؤٹ 47 رنز اور انشول بابل کے 44 رنز کی بدولت 19.3 اوورز کے ہدف کو حاصل کرتے ہوئے آر ٹی سی کو پانچ وکٹوں سے شکست دے دی۔
آرگنائزنگ سکریٹری یدوراج سنگھ کرشناوت نے بتایا کہ اس دلچسپ فائنل میچ میں آر ٹی سی نے پہلے بیٹنگ کرتے ہوئے مقررہ 20 اوورز میں پانچ وکٹوں کے نقصان پر 170 رنز بنائے۔ آر ٹی سی کی جانب سے کپتان اوم بادلیاس نے 51 اور ہرشیت دھابھائی نے 48 رنز کا تعاون دیا۔ سورج پریت سونی نے 40 رنز بنائے۔
میواڑ ٹورزم کلب کی جانب سے ونے ناہٹا اور سدھراج سنگھ نے 2-2 وکٹیں حاصل کیں۔ جواب میں میواڑ ٹورزم کلب نے مقررہ ہدف 19.3 اوورز میں حاصل کر لیا۔ میواڑ ٹورزم کلب کی جانب سے کپتان پرتیک پریہار نے ناٹ آؤٹ 47 رنز اور انشول بابل نے 44 رنز کا تعاون دیا۔ آر ٹی سی کی طرف سے کپتان اوم بادلیاس نے 2 وکٹیں حاصل کیں۔
میواڑ ٹورزم کلب کے انشول بابل کو مین آف دی میچ قرار دیا گیا۔
