ہتھیاروں کی ہینڈلنگ اور فائرنگ کی پوزیشنوں پر لیکچر کم مظاہرہ بھی کیا گیا
لازوال ڈیسک
مینڈھر؍؍ ہندوستانی فوج نے مینڈھر اور آس پاس کے علاقوں میں امن و استحکام کو برقرار رکھنے کی اپنی کوششوں میں، گاؤں کے دفاعی محافظوں(وی ڈی جیز) کو ہتھیاروں سے نمٹنے اور فائرنگ کے حوالے سے تربیت دی ہے۔ یہ تربیت آئندہ انتخابات اور امن کو برقرار رکھنے اور اقلیتوں کے ساتھ ساتھ دور دراز علاقوں میں عوام کو یقین دلانے کے لیے سیکورٹی فورسز کی کوششوں کے پیش نظر بھی اہمیت رکھتی ہے۔وہیں تربیت نے وی ڈی جیزکو ان کی تربیتی صلاحیتوں اور ڈبلیو پی این ہینڈلنگ اور فائرنگ میں مہارتوں کو دوبارہ ترتیب دینے میں مدد کی ہے۔واضح رہے وی ڈی جی بھی انٹیلی جنس اکٹھا کرنے کا ایک اہم ذریعہ ہیں اور ہتھیاروں سے نمٹنے میں ان کی مہارت نے دور دراز کے علاقوں میں ایک وسیع تحفظ فراہم کیا ہے۔
اس سلسلے میںبھارتی فوج کی جانب سے مینڈھر، ہرنی اور جاڑاں والی گلی میں ہتھیاروں کا معائنہ، صفائی اور فائرنگ کی مشق کی گئی۔اس تربیت کے ایک حصے کے طور پر ہتھیاروں کی ہینڈلنگ، مسکیٹری اور فائرنگ کی پوزیشنوں پر لیکچر کم مظاہرہ بھی کیا گیا۔واضح رہے ہندوستانی فوج نے اپنی دفاعی صلاحیتوں کو مزید بہتر بنانے میں وی ڈی سی کے ارکان کی مدد کی اور ذمہ داری کے علاقے میں خاص طور پر اقلیتوں امن اور ہم آہنگی کو برقرار رکھنے میں ان کے زیادہ کردار پر زور دیا۔
