صحت اور صفائی پر ہوا خصوصی تبادلہ خیال
لازوال ڈیسک
جموںجے ایم سی جموں نے یہاں جموں میں پنکج مگوترہ کمشنر جے ایم سی کی ہدایت پر صحت اور صحت وصفائی شاخ کے ایک اہم اجلاس کا انعقاد ہوا ۔اس موقع پر جے ایم سی ہیلتھ آفیسر سلیم خان بھی موجود تھے۔وہیں اجلاس میں جوائنٹ کمشنر نے کئی کونسلروں کی جانب سے اٹھائے گئے مسائل پر تبادلہ خیال کرتے ہوئے صحت اور صحت و صفائی کے اسٹاف کو مسائل کا ازالہ کرنے کی ہدایات جاری کیں۔اس موقع پر جے ایم سی کی زیر نگرانی کئی اہم مسائل پر بھی تبادلہ خیال کیا ۔وہیں کئی مقامات پرپھیلی گندگی کے متعلق فیلڈ اسٹاف کو رپورٹ پیش کرنے کی ہدایات جاری کی گئیں تاکہ فوری گندگی ہٹانے کیلئے کاروائی کی جائے ۔اس دوران اسسٹنٹ سینیٹیشن آفیسر ، سینیٹری انسپیکٹر اور سینیٹری سپروائزر موجود رہے۔
