شوکت پرواز
ریاسی//سب ڈویژن درماڑی مہور کے بالائی علاقوں میں آج تیسرے روز بھی سڑک بند ہونے کی وجہ سے عوام کو پریشانیوں کا سامنا کررنا پڑا۔جبکہ بالائی علاقہ بدھن، مہور ،درماڑی ،ہاڑی والا ،بدھن،لینچہ، دگن ٹاپ،جمسلان شجرو،کی آج کئی روز سے سڑکیں بند پڑی ہیں جس کی وجہ سے یہاں کے بالائی علاقوں میں عوام کو بہت سی مشکلات کا سامنا کرنا پڑ رہا ہے۔یہاں کے ایک مقامی شخص مشتاق احمد جو کہ سماجی کارکن ہیں انہوں نے لازوال سے بات کرتے ہوئے کہا ہے کہ بالائی علاقوں میں تین روز سے سڑکیں بند پڑی ہیں اگر یہاں کی کسی مقامی خواتین کو ڈلیوری ہوجائے اس کو ہم کس طریقے سے ہیلتھ سینٹر میں لے جا سکتے ہیں کیونکہ بدن سے مہور کی سڑک کی ایسی خستہ حالی ہ جس پر چھوٹی یا بڑی گاڑی کو چلانا بہت ہی دشوار ہے جو کہ یہاں کے عوام کے لیے ایک مشکلات کا باعث بن چکی ہے ۔
