سب سے بڑی تقریب اسپورٹس سٹیڈیم پونچھ میں منعقد
ماجد چوہدری
پونچھ؍؍ملک بھر میں آئرن مین آف انڈیا و بھارت رتن ایوارڈ سے سرفراز سردار ولب بھائی پٹیل کی یوم ولادت کی سالگرہ کے موقع پر قومی یوم اتحاد منایا جارہا ہے اور پورے ملک میں اتحاد و اتفاق کا پیغام عام عام کرنے کے ساتھ ساتھ حلف برداری کی تقریبات کا بھی انعقاد کیا جارہا ہے جس میں اتحاد و اتفاق کو لیکر حلف لیے جارہے ہیں۔اسی ضمن میں مرکزی زیر انتظام جموں و کشمیر کے سرحدی ضلع پونچھ میں بھی حلف برداری کی تقریبات کا انعقاد کیا گیا جس میں سب سے بڑی تقریب اسپورٹس سٹیڈیم پونچھ میں منعقد ہوئی جو ضلع پولیس پونچھ کی جانب سے منعقد کی گئی تھی جس ایس ایس پی پونچھ ڈاکٹر ونود کمار و ضلع ترقیاتی کمشنر پونچھ شری اندر جیت نے پریڈ کی سلامی لی اور پھر شرکاء کے ساتھ قومی یوم اتحاد کی مناسبت سے حلف بھی لیا۔اسی طرح کی ایک تقریب ڈی سی آفس پونچھ میں بھی منعقد کی جس میں ضلع ترقیاتی کمشنر پونچھ شری اندر جیت کی صدارت میں تمام ملازمین نے حلف لیا۔اس کے علاوہ پونچھ کے کئی علاقوں میں جس میں ضلع اہسپتال پونچھ، محکمہ کھیل ، جے کے پی ڈی سی ایل اور کئی دوسرے محکموں کی جانب سے قومی یوم اتحاد کی مناسبت سے تقریبات کا انعقاد کر حلف لیا۔
