لازوال ویب ڈیسک
انطالیہ ، 28 جنوری :ترکی کے صدر رجب طیب اردغان نے اعلان کیا ہے کہ ملک آنے والے مہینوں میں زیادہ سے زیادہ تعداد میں غیر انسانی جہاز (یو اے وی) تیار کرے گا۔سرکاری خبر رساں ایجنسی اناتولیہ نے کہا کہ مسٹر اردغان نے اتوار کو یہاں ایک پروگرام میں یہ اعلان کیا۔ انہوں نے کہا، ’’ملک میں نگرانی اور مسلح ڈرون دونوں کو تیار کیا جارہا ہے۔ اب، ہم بڑے پیمانے پر مسلح غیر انسانی جہاز تیار کر رہے ہیں اور اسے کچھ مہینوں میں مکمل کرلیا جائے گا‘‘۔انہوں نے کہا کہ ملک کی دفاعی صنعت کو حال ہی میں ملنے والی کامیابی میں مقامی مینوفیکچررز نے اہم کردار ادا کیا ہے ۔ مقامی مینوفیکچررز نے ترکی دفاعی صنعت کی تقریبا 65 فیصد کی ضروریات کو مکمل کیا ہے۔ انہوں نے کہا کہ چند مہینوں میں جن ڈرون کی تیاری ہونی ہے وہ مستقبل میں دنیا کے لئے مثال بنے گی ۔(یو این آئی)
