یواین آئی
نئی دہلی؍؍فضائیہ کا ایک مگ-21 جنگی طیارہ آج راجستھان کے باڑمیر میں حادثے کا شکار ہو گیا حالانکہ پائلٹ وقت رہتے بچ نکلنے میں کامیاب رہا۔ذرائع کے مطابق یہ طیارہ بہ ضابطہ تربیتی پرواز پر تھا لیکن کسی خرابی کی وجہ سے یہ حادثے کا شکار ہوگیا۔ شروعاتی اطلاعات کے مطابق اس حادثے میں پائلٹ محفوظ بچ نکلنے میں کامیاب رہا ہے۔ حادثے کے وجوہات ابھی معلوم نہیں ہو سکے ہیں اور تفصیلات کا انتظار کیا جا رہا ہے۔گذشتہ مئی میں بھی ایک مگ-21 بائیسن طیارہ حادثے کا شکارہ ہوگیا تھا۔ ذرائع کے مطابق امسال اب تک چار مگ-21 طیارہ حادثے کا شکارہ ہو چکا ہے۔
