کہاہماری برادریوں کے پاس پارلیمنٹ کا ممبر نہیں ،حدبندی کمیشن میں نمائندگی دی جائے
لازوال ڈیسک
جموں؍؍آل انڈیا کنفیڈریشن آف ایس سی ایس ٹی او بی سی تنظیموں نے آج یہاں جموں کے ریشم گھر میں واقع اپنے دفتر میں پریس کانفرنس کی۔ جبکہ اس پریس کانفرنس کا ایجنڈا نامزد ممبر کی حیثیت سے حد بندی کمیشن میں نمائندگی کا مطالبہ کرنا تھا۔وہیں اس سلسلہ میں ریاستی صدر ، آر کے کلسوترا نے کہا کہ آرٹیکل 370 کو منسوخ کرنے کا تاریخی فیصلہ گذشتہ 7 دہائیوں کے دوران ریاست کے لوگوں کو درپیش ناانصافی کے خاتمے کے لئے کیا گیا تھا۔ یونین حکومت نے نشستوں کی تازہ حد بندی کرنے کا فیصلہ کیا جو سابق ریاست کی سرحدوں میں تبدیلی ، اسمبلی میں نشستوں کی تعداد میں اضافے اور انتخابات میں شیڈول قبائل کے لئے ریزرویشن کے تعارف کے بعد ضروری ہوگئی۔کلسوترا نے کہا کہ ہم یونین کی حکومت اور حد بندی کمیشن سے اپیل کرنا چاہتے ہیں کہ وہ اپنے عہدے کی باقی مدت کے لئے یوٹی کے ایس سی ، ایس ٹی طبقوں میں سے ایک ساتھی رکن نامزد کریں۔ فی الحال ، ہماری برادریوں کے پاس پارلیمنٹ کا ممبر نہیں ہے اور اس کے نتیجے میں ہم حد بندیکمیشن میں غیر حاضر رہتے ہیں۔ہم یہ بھی اپیل کرنا چاہتے ہیں کہ حکومت اور حد بندی کمیشن 5 آگست 2019 کے فیصلے کو اس بات کو یقینی بناتے ہوئے اپنے منطقی انجام تک پہنچائے کہ اس بات کا یقین کر کے کہ طبقات اور ذات کے افراد کو اسمبلی میں مناسب نمائندگی ملے ۔اس دوران کنفیڈریشن کے دیگر رہنماؤں نے بھی خطاب کیا اور حد بندی کمیشن میں طبقہ کو نمائندگی دینے کا پر زور مطالبہ کیا ۔
