وارڈ نمبر 11کے رہائشیوں کا محکمہ پی ڈی ڈی کے خلاف زبر دست احتجاج
حافظ قریشی
بسوہلی ؍؍ آج یہاں ضلع کٹھوعہ کے تحت تحصیل بسوہلی کے وراڈ نمبر 11 کے لوگوں نے محکمہ بجلی کے خلاف زبر دست احتجاج کرتے ہوئے نعرے بازی کی۔ مظاہرین کی رہنمائی کرنے والے عبد الغفار نے بتایا وارڈ 11 کے لئے ٹرانسفارمر منظور ہوا تھا جس سے دوسرے وارڈ میں لگا دیا ہے۔ انہوں نے کہا کہ محکمہ بجلی انہیں بتائے کہ کیا لوگ یہاں نہیں رہتے ہیں ؟کیا انہیں ٹرانسفارمر کی ضرورت نہیں ہے ، جب کہ لوگوں نے بتایا کہ کم وولٹیج کے مسئلے کی وجہ سے ، یہاں تک کہ ان کے گھروں میں نصب بجلی کے آلات تک نہیں چل پارہے ہیں۔ جبکہ 50سے 70واٹ تک کی بجلی لوگوں کے گھروں میں پہنچ رہی ہے۔جبکہ اسٹیشن انچارج سکندر سنگھ چوہان ، جو موقع پر پہنچے ،انہوں نے محکمہ بجلی کے جے ای کو فون کیا اور لوگوں کو یقین دہانی کرائی ، جس کے بعد باسوہلی کٹھوعہ روڈ کو کھول دیا گیا اور گاڑیوں کی نقل و حرکت بحال ہوگئی ، تاہم لوگوں نے متنبہ کیا۔ کہ اگر جلد ہی اس کے معاملے کا حل نہ ہوا تو وہ پھر سڑک روک کر احتجاج کرنے پر مجبور ہونگے۔۔
