کرونا وائرس ،لاک ڈاؤن اور مزدور

گذشتہ دو مہینوں میں سب سے زیادہ جس طبقے نے پریشانیاں اور تکالیف برداشت کی ہیں، وہ مزدوروں کا طبقہ ہے، لاک ڈاؤن ہونے کے بعد بے روزگاری، بھوک کی شدت کرایہ ادا کرنے کی صورت باقی نہیں رہی، تو بے گھر ہوئے، مزدوروں کی زندگی کے یہ سب سے مشکل ترین ایام کہے جائیں تو غلط نہیں ہوگا، ایسی ایسی تصویریں دیکھیں ہیں، جن کو دیکھ کر کسی بھی انسان کی روح کانپ جاتی ہے، مزدوروں نے بھوکے میلوں کا سفر طے کیا، جو گھروں کو پہنچے وہ خوش نصیب ہیں، بہت سو کو بھوک نے نگل لیا بہت سے حادثات کی نذر ہوگئے، سیاسی گلیاروں میں مزدوروں کے کرایہ پر بحثیں ہو رہی ہیں، اور گاڑیوں کے پہیوں تلے کچل دیے جارہے ہیں، ابھی اترپردیش کے اوریا سے خبر موصول ہوئ کہ 24 مریض حادثے کی نذر ہوگئے، جو ڈی سی ایم میں سوار ہو کر اپنے گھر لوٹ رہے تھے، ساڑھے تین بجے حادثہ ہوا، ٹرک نے ڈی سی ایم کو ٹکر ماری، سورج نکلنے سے قبل ہی ان لوگوں کی زندگی کا سورج غروب ہوگیا، اپنے گھر والوں سے ملنے کا خواب لے کر دنیا رخصت ہوگئے، گھر اب ان لوگوں کی لاشیں جائیں گی، حکومت اب ضرورت ضروری کام کررہی ہیں، معاملے کی جانچ ہوگی، بدھ کے مظفرنگر کے روہانہ بس نت چھ مزدوروں کو کچل دیا تھا، وہ بھی گھر پہونچنے میں ناکام رہے، ملک کے مختلف حصوں سے مزدوروں کے سلسلے میں تکلیف دہ خبریں موصول ہوتی رہیں ہیں، حاملہ عورتوں نے پیدل سفر طے کیا ہے، بچوں نے بھوک کی شدت برداشت کی ہے، مزدوروں کے لئے مشکل ترین وقت گذرا ہے، بروقت منصوبہ بند طریقے سے مدد پہنچائے جاتی تو صورت حال کچھ اور ہوتی، کیا مزدوروں کے لئے گھر پہونچنے کا انتظام پہلے نہیں کیا جا سکتا تھا؟اس وقت مریضوں کی تعداد کم تھی، وائرس پھیلنے کا خطرہ بھی کم تھا، اور اگر حکومت مزدوروں کی ہجرت نہیں چاہتی تھی، تو ان کے کھانے پینے اور رہنے کے لیے مناسب انتظامات کیے جاتے، اب مزدوروں گھروں کو جارہے ہیں، حکومت اس میں تعاون کر رہی ہے، مزید تعاون کی ضرورت ہے، لیکن ایسے میں یہ سوال بھی پیدا ہورہا ہے کہ مریض گھروں سے کب اور کیسے لوٹیں گے؟ ان کے بغیر معاشی نظام کس حرکت پزیر ہوگا؟ گھر جانے کے بعد مزدور کس طرح اپنی زندگی کا سفر آگے بڑھائیں گے، منریگا کے تحت ضرور انہیں کچھ فائدہ حاصل ہوگا، لیکن آخر اس سے کتنے لوگ فائدہ اٹھاسکتے ہیں، مزید یہ کہ مزدوروں سے متعلق قوانین میں تبدیلی نے مزدوروں کے لیے مزید مشکل صورت حال پیدا کردی ہے، اب ان سے 12 گھنٹے کام لیا جاسکے گا، جس کے لئے مزید مزدوری بھی انہیں نہیں دی جائے گی، حکومت کو اس جانب غور کرنا چاہیے مزدور ہماری معیشت کا اہم ترین حصہ ہے، ان کے بغیر معاشی ترقی کا خواب محض خواب ہے، جس کو شرمندہ تعبیر نہیں کیا جاسکتا ہے مزدوروں کا تعاون کیجئے اور ان کے حقوق کا تحفظ کیجئے،

ہم میں سے ہر شخص کی یہ ذمہ داری بنتی ہے کہ وہ غریبوں اور مزدوروں کا تعاون کرے، اگر کسی دوروٹی ہیں، تو ڈیڑھ کھائے، اور آدھی غریب کے لئے بچائے، اس مشکل وقت میں غریبوں کا تعاون کریں، ہر شخص یہ پختہ ارادہ کرے کہ اپنے گاؤں میں اپنے پڑوس میں کسی کو بھوک سے نڈھال نہیں ہونے دیں گے، اور کرونا وائرس سے بچنے کے لئے احتیاطی تدابیر پر عمل کریں، حکومت ہند بھی غریبوں مزدوروں کی جانب خاص توجہ مرکوز کرے

راحت علی صدیقی قاسمی

رابطہ نمبر 9557942062