کورونا کی قیامت میں رمضان کی عبادت اور روزہ داروں کی ضیافت 

پوری دنیا میں کورونا وائرس کی قیامت مچی ہوئی ہے ۔ہر طرف، ہر جگہ لاک ڈاؤن کیا جارہا ہے تاکہ اس کی قیامت خیز اثرات سے انسان بچ سکے ۔مرکزی حکومت سے لے کر صوبائی حکومت کے ساتھ ساتھ ہر چھوٹا بڑا انسان اس وباء کی حیرت انگیز پھیلاؤ سے لوگوں کو آگاہ کر رہے ہیں ۔لوگوں کو گھر میں رہنے، صاف صفائی کا خیال رکھنے ،شادی و بیاہ ،،میلوں و ٹھیلوں میں نہ جانے ،علیک و سلیک اور معانقہ و مصافحہ نہ کرنے کے ساتھ ساتھ ،پارکوں اور ریسٹورینٹوں میں نہ جانے کی نصیحت کررہے ہیں ۔لیکن اس کے باوجود چند ممالک (سنگاپور، تائیوان، ساؤتھ کوریا)  کے علاوہ دنیا کا ہر ایک ملک اس کی درد و کرب کو دیکھ اور محسوس کررہا ہے ۔تمام لوگ گھروں میں خود کو قید کر رکھے ہیں ۔اپنی تجارت و کاروبار اور معیشت سے اوپر اٹھ کر جان بچانے کی کوشش میں لگے ہوئے ہیں ہر شخص کو اپنی اپنی پڑی ہوئی ہے اگر کوئی بیمار ہوجائے اسے بخار لگ جائے یا کسی کو چھینک آجائے تو ایک شخص دوسرے کو دیکھ کر ایسا بھاگتا ہے جیسا کہ شیر کو دیکھ کر گیدر بھاگتا ہے ۔چنانچہ  چھینک اور بخار کی بنا پر ہمدردی و غمگساری کے بجائے سر پر پیر رکھ کر بھاگنا ۔اس آیت کی طرف اشارہ کرتا ہے جس میں اللہ نے قیامت کا نقشہ کھینچا ہے کہ کس طرح قیامت کے دن محشر کے میدان میں ایک شوہر اپنی بیوی سے اور بیوی اپنے شوہر سے، باپ اپنے بیٹے سے اور بیٹا اپنے باپ سے کوسوں دور بھاگے گا اس ڈر سے کہ کہی اس سے نیکی کا مطالبہ نہ کرلیا جائے ۔دونوں معاملہ ایک دوسرے سے آپس میں ملتا جلتا ہے کیونکہ ایک جگہ نیکی گھٹنے کی وجہ سے ایک دوسرے کو پہچاننے سے انکار ہے وہی دوسری طرف بیماری پٹنے کی وجہ سے ایک دوسرے سے دوری بنانا ہے ۔اس کی واضح ثبوت اٹلی کے اندر رونما ہوچکا ہے ایک واقعہ ہےکہ ایک ڈاکٹر جب کورونا وائرس کا شکار ہو گیا اور اسے لگا کہ وہ اب نہیں بچے گا تو انہوں نے اپنی آخری خواہش کے طور پر اپنے گھر والوں سے ملنے کی ضد پر آگئے چنانچہ اس پر ڈاکٹروں کو رحم آیا اور اس نے مکمل حفاظت کے بعد اس کے گھر والوں کو فون کیا کہ آپ کے ایک رشتہ دار ہے جو ہوسکتا ہے کہ زیادہ دنوں تک اب دنیا میں نہ رہیں وہ آخری خواہش کے طور پر آپ لوگوں کو دیکھنا چاہتا ہے چنانچہ بیوی، بیٹی اور بیٹا نے صاف ملنے سے ہی نہیں بلکہ اس ڈاکٹر سے اپنے رشتہ تک کا انکار کردیا ۔پھر تین دن کے بعد اس ڈاکٹر کی وفات ہوجاتی ہے تو یہ واقعہ یقینا قیامت کے منظر سے ملتا جلتا ہے اس لئے اس خطرناک، دردناک، المناک اور ہیبت ناک بیماری سے بچنے کے لئے ہمیں وہ تمام تدبیریں اپنانی چاہئے جس کی وجہ کر ہم اس بیماری سے محفوظ رہ سکے ۔کیونکہ دن بدن یہ وباء پھلیتی جارہی ہے پوری دنیا میں 26 لاکھ سے زائد لوگ اس بیماری کے شکار ہوچکے ہیں خود وطن عزیز ملک بھارت میں 25 ہزار سے زائد لوگ اس کے چنگل میں پھنس چکے ہیں اور اس کی تعداد میں روز بروز اضافہ ہی ہوتا جارہا ہے ۔اس لئے ایک ذمہ دار شہری ہونے کے اعتبار سے ہمیں وہ تمام کام کرنے چاہئے جو اس وبا کے روک اور تھام میں معاون و مددگار ہو ۔ اب رمضان کا مہینہ شروع ہوچکا ہے جس میں مسلمان عام طور سے روزہ و نماز اور تراویح کا اہتمام کرتے ہیں پروگرام وغیرہ، کرتے ہیں جس میں کتاب و سنت کی باتیں کی جاتی ہیں اور یہ مسلمانوں کے ہر رمضان کے مہینہ کا معمول رہا ہے اور اس میں بھیڑ اور ازدحام وافر مقدار ہوتی ہے ۔لیکن اس سال مسلمانوں کو بھیڑ سے بچتے ہوئے اپنے اپنے گھروں میں زیادہ سے زیادہ اللہ کی عبادت و بندگی کرنی چاہئے ۔واضح رہےکہ  رمضان المبارک کا مہینہ اللہ کی رحمت، شفقت اور محبت کا مہینہ ہے اس مہینہ میں اللہ رب العالمین اپنی رحمت اور اجر و ثواب کا دروازہ کھول دیتا ہے ۔