وراٹ کا احتیاط برتنے کا مشورہ

نئی دہلی،  (یو این آئی ) ہندوستانی کپتان وراٹ کوہلی نے لوگوں کو خطرناک کورونا وائرس سے بچاؤ کے لئے پرہیز اور احتیاط برتنے کا مشورہ دیا ہے ۔وراٹ نے ہفتہ کو ٹویٹ کر کے کہاکہ احتیاطی اقدامات کے ساتھ کورونا وائرس کا مقابلہ کریں۔ محفوظ رہیں، محتاط رہیں اور یہ یاد رکھیں کہ علاج سے بہتر ہے روک تھام۔ آپ سب اپنا خیال رکھیں۔ غور طلب ہے کہ عالمی وبابن چکے کورونا وائرس سے ہزاروں لوگوں کی موت ہو چکی ہے اور ہندستان میں بھی اس سے اب تک دو لوگوں کی موت ہوچکی ہے ۔ کورونا وائرس کا کھیل کی دنیا پر گہرا اثر پڑا ہے اور اس کی وجہ سے مختلف کھیلوں کے ٹورنامنٹوں کو منسوخ یا ملتوی کرنا پڑا ہے ۔ہندستان اور جنوبی افریقہ کے درمیان تین میچوں کی ون ڈے سیریز کو بھی جمعہ کو کورونا وائرس کی وجہ سے منسوخ کر دیا گیا اور 29 مارچ سے ہونے والے آئی پی ایل کو 15 اپریل تک ملتوی کرنے کا فیصلہ کیا گیا ہے