درجنوں خواتین نے یومِ ِخواتین پروگرام میں حصہ لیا
اکرم ملک
بھلیسہ؍؍گندو بھلیسہ کے اخیارپور جکیاس میں شاہین ایجوکیشنل ٹرسٹ جموں و کشمیر نے ٹرسٹ صدر توصیف ملک کی قیادت میں یومِ خواتین منایا جس میں کافی تعداد میں خواتین نے شمولیت کیا۔ اس موقع پر شاہین ٹرسٹ صدر توصیف احمد ملک نے بولتے ہوئے کہا کہ خواتین کیسے اپنے پیروں پر کھڑی ہو سکتی ہیں۔ انہوں نے اس موقع پر موجود تمام خواتین کو مشورہ دیتے ہوئے کہا کہ 20 سے 30 خواتین ایک گروپ تیار کریں اور ماہانہ کم از کم ایک سو روپے جمع کریں اس ہی طرح جب ہزاروں میں رقم جمع ہوگی تو اس وقت اس رقم میں کوئی ایسا کاروبار شروع کریں جس سے زیادہ سے زیادہ آمدنی ائے گی اور ان لوگوں کی ضروریاتِ زندگی پوری ہو گی۔اس دوران سرپنچ پنچایت جکیاس ظفراللہ فراش نے خواتین کے مطلق سکیموں کی جانکاری دی اور کیسے ان سکیموں سے خواتین فائدہ اٹھا سکتی ہیں۔ نائب سرپنچ محمد امین پینچ زبیدہ بیگم نے بھی یومِ خواتین پر روشنی ڈالی۔ اس دوران یومِ خواتین پروگرام میں موجود لوگوں میں گنیشہ دیوی شاہدہ بیگم سیتا دیوی ماسٹر پرویز احمد ماسٹر ہسینہ بیگم سلمان وانی پروینہ بیگم کنکشہ دیوی سپنہ دیوی و دیگران قابلِ زکر ہیں۔
