فوجی میجر کُتے کو بچانے کے دوران جھلس کر ہلا ک
ترال میں آگ کی واردات ،رہائشی مکان خاکستر،غریب کنبہ بے گھر
کے این ایس
سرینگر؍؍عالمی شہرت یافتہ سیاحتی مقام گلمرگ میں آگ کی ایک ہولناک واردات رونما ہوئی ،جس دوران ایک فوجی میجر اپنے پالتو کتے کو بچانے کے دوران بری طرح جھلس جاں بحق ہوا ہے ۔ادھر ترال میں آتشزدگی کی ایک واردات میں ایک غریب کنبے کا رہائشی مکان جل کر خاکستر ہوا۔پولیس نے دونوں واردات کے متعلق ایک کیس درج کر کے تحقیقات شروع کر دی ہے ۔کشمیر نیوز سروس( کے این ایس ) کے مطابق شمالی کشمیرمیں واقع عالمی شہرت یافتہ سیاستی مقام گلمرگ میں سنیچر اور اتوار کی درمیانی شب کے دوران ایک فوجی کیمپ کے اندرافسر کی جھونپڑی (ہٹ)میں آگ ظاہر ہوئی ، جس نے آناً فاناً پورے کیمپ کو اپنی لپیٹ میں لیا ۔ ذرائع نے بتایا ہٹ میں موجود فوجی میجر اگر چہ پہلے بحفاظت باہر نکلنے میں کامیاب ہوا ،تاہم فوجی میجر کے ساتھ ہٹ میں موجود ایک پالتوکُتا اندر ہی پھنس گیا ۔ پولیس ذرائع نے بتایا فوجی میجر آگ کے شعلوں کی پرواہ نہ کرتے ہوئے کُتے کو بچانے کی غرض سے ہٹ میں دوبارہ داخل ہوا ،جس دوران میجر بری طرح زخمی ہوا ہے اس دوران اگر چہ فوجی میجر کو فوری طور علاج معالجے کے لئے اسپتال منتقل کیا گیا ،تاہم وہ وہاں بری طرح زخمی ہونے کے نتیجے میں دم توڑ بیٹھا ہے پولیس نے مہلوک میجر کی شناخت کارپس نگنل کے انکت بدھ راج جو ایس ایس ٹی سی گمرگ کے ساتھ منسلک تھا۔ پولیس نے واقعے کے حوالے سے ایک کیس درج کر کے تحقیقات شروع کی ہے۔ ادھر گوجر بستی زاجی کھوڑ آوری گنڈ کہلیل ترال میں آگ کی ایک واردات میںعبد کریم گوجرنامی شہری کے مکان میں گزشتہ رات آگ اچانک ظاہر ہوئی ہے جس نے چند منٹوں میں پورے مکان کو اپنی لپیٹ میں لیا،جس کے نتیجے میں مکان راکھ کی ڈھیر میں تبدیل ہوا ۔اس واردات میں مکان میںکوئی بھی چیز نہیں بچ گیا،تاہم مکین معجزاتی طوربچ نکلے۔مقامی لوگوں نے بتایا کنبہ انتہائی غریب ہے انہوں سرکار سے اس سلسلے میں ماثرین میں امداد فراہم کرنے کی اپیل کی ہے ۔
