نئی دہلی؍؍ممتاز وزڈن کی دہائی کی بہترین ٹی -20 بین الاقوامی ٹیم میں جگہ پانے والے تیزگیندباز جسپریت بمراہ 2019 کے یادگار سفر کے بعد نئے سال 2020 کو بھی نئی کامیابیوں سے دلچسپ اور کامیاب بنانا چاہتے ہیں۔بمراہ نے ٹوئٹر پر کہا، "سال 2019 میرے لئے کامیابیوں، سبق، محنت اور میدان اور میدان کے باہر یادیں بنانے سے بھرا رہا تھا اور اب سال کے آخری دن میں سال 2020 کے آنے والی چیلنجوں اور نئے سفر کے لئے کافی پرجوش ہوں. "تیزگیندباز سال 2019 میں تینوں ہی فارمیٹس میں کامیاب رہے تھے ۔انہوں نے آسٹریلیا میں پہلی بار ٹیسٹ سیریز جیتنے میں ٹیم انڈیاکے لیے اہم کردار ادا کیا تھا اور ویسٹ انڈیز کے دورے میں وہ ہیٹ ٹرک لینے والے تیسرے ہندوستانی کھلاڑی بنے تھے ۔ ان سے پہلے یہ کامیابی آف اسپنر ہربھجن سنگھ اور فاسٹ بولر عرفان پٹھان کے نام تھی۔ 26 سال کے بمراہ ساتھ ہی ون ڈے رینکنگ میں نمبر ایک بولر اور ٹیسٹ رینکنگ میں چھٹے نمبر کے کھلاڑی ہیں اور ہندوستانی ٹیم کے بولنگ آرڈر کا اہم حصہ بھی ہیں۔ بمراہ نے ابھی تک قومی ٹیم کی جانب سے 12 ٹیسٹ، 58 ون ڈے اور 42 ون ڈے کھیلے ہیں۔بمراہ فی الحال زخمی ہونے کی وجہ سے ٹیم سے باہر ہیں اور گوہاٹی میں پانچ جنوری سے سری لنکا کے خلاف شروع ہونے والی تین میچوں کی ٹوئنٹی 20 سیریز سے ہندوستانی ٹیم میں واپسی کریں گے ۔ بمراہ کو آسٹریلیا کے خلاف تین ون ڈے میچوں کی سیریز کے لیے بھی ٹیم میں شامل کیا گیا ہے ۔
