نئی دہلی، (یو این آئی) بین الاقوامی ہاکی فیڈریشن (ایف آئی ایچ) نے ہندستانی مرد ہاکی ٹیم کے کپتان من پریت سنگھ کو سال کے بہترین کھلاڑی کے ایوارڈ کے لئے نامزد کیا ہے ۔من پریت کی کپتانی میں ہندستان نے گزشتہ ماہ اڑیسہ کے بھونیشور میں روس کو 11-3 کے مجموعی اسکور کی بنیاد پر شکست دے کر 2020 میں ہونے والے ٹوکیو اولمپک کے لئے کوالیفائی کیا تھا۔من پریت کے علاوہ دو دیگر ہندوستانی کھلاڑیوں کو ایف آئی ایچ اسٹار ایوارڈ کے لئے نامزد کیا گیا ہے ۔ للت ساگر پرساد اور لالریمسیامي کو بالترتیب مرد اور خاتون کلاس میں سال کے نیو ٹیلنٹ اسٹار ایوارڈ کے لئے نامزد کیا گیا ہے ۔27 سالہ من پریت نے ابھی تک 242 بین الاقوامی میچ کھیلے ہیں اور اس ایوارڈ کے لئے ان کا مقابلہ آسٹریلیا کے ایڈی اوکینڈن اور ایرین جالیوسکی، ارجنٹینا کے لوکاس ولا اور بیلجئیم کے آرتھر وان ڈورین اور وکٹر ویگنیز سے رہے گا۔19 سالہ پرساد مڈفیلڈر ہیں اور انہوں نے گزشتہ سال یوتھ اولمپک گیمز میں چاندی کا تمغہ جیتنے والی ہندستانی ٹیم کی قیادت کی تھی۔19 سال کی لالریمسیامي فارورڈ ہے اور وہ ایشیائی کھیلوں میں چاندی کا تمغہ جیتنے والی ٹیم کی رکن تھیں۔یو این آئی ۔
