گریٹر نوئیڈا؍؍چھ بار کی عالمی چمپئن ایم سی میری کوم نے جمعرات کی رات بگ باؤٹ باکسنگ لیگ میں اپنی ٹیم پنجاب پینتھرز کو یہاں گوتم بدھ یونیورسٹی انڈور اسٹیڈیم میں کھیلے گئے میچ میں بامبے بلیٹ کے خلاف 5-2 سے جیت دلا دی۔میری کوم نے ریو اولمپک -2016 کانسے کا تمغہ فاتح انگریڈ لورینا کو 5-0 سے شکست دے کر اپنی ٹیم کی جیت کو یقینی کیا۔ منوج کمار کی شکست نے پنجاب کو دھکا پہنچا دیا تھا، لیکن میری کوم نے ٹیم کو سنبھال لیا۔ مردوں کے 69 کلو گرام وزن زمرہ کے مقابلے میں بامبے کے نوین بورا نے منوج کو 4-1 سے شکست دی۔ اس کے بعد دونوں ٹیموں کی کپتانوں کا میچ دلچسپ بن گیا جہاں میری کوم مقابلہ جیتنے میں کامیاب رہیں۔اس سے پہلے ، عبدالمالک کھالاکوو اور پي ایل پرساد نے پنجاب کو شاندار شروعات دلائی۔ یوتھ اولمپک چمپئن عبدالمالک نے مردوں کے 57 کلو گرام وزن زمرہ میں ایشیائی کھیلوں کے سلور میڈلسٹ کوندر بشٹ کو شکست دی۔ پہلے راؤنڈ سے ہی انہوں نے اپنی بادشاہت قائم رکھی۔ 19 سال کے کھلاڑی نے بائیں ہک سے بامبے کے باکسر پر بااثر حملہ کیا۔ اسی وجہ سے دوسرے راؤنڈ میں ریفری کو اسٹینڈنگ کاؤنٹ کرنا پڑا ہے ۔پرساد اڑیسہ واریرس کے خلاف کھیلے گئے ٹیم کے پہلے میچ میں اپنا مقابلہ ہار گئے تھے ۔ اس بار انہوں نے واپسی کی اور اننت چوپاڑے کو شکست دی۔ جس اعتماد سے انہوں نے اپنی تیزی اور مستعدی کا ثبوت دیا اس سے ان کے حریف کے پاس زیادہ کچھ کرنے کو بچا نہیں۔ اس کے بعد اگلے میچ میں منیشا نے خاتون کے 60 کلوگرام وزن زمرہ میں بامبے کی میلیسا ناومی کو شکست دے کر میچ کا رخ پنجاب کی طرف موڑے رکھا۔ اس کے بعد پنجاب کے نوین کمار نے بامبے کے امینؤل ریاس کو مردوں کے 91 کلوگرام وزن زمرہ میں 3-2 سے ہرا دیا۔ پریاگ چوہان نے مردوں کے 75 کلو گرام وزن زمرہ میں پنجاب کے موہت کو مات دے کر بامبے کے اکاؤنٹ میں دوسرا پوائنٹس ڈالا۔پنجاب کی کپتان میری کوم نے ٹاس جیتا اور یوتھ خاتون 57 کلو گرام وزن زمرہ کے مقابلے کو بلاک کر دیا۔ یہاں پنجاب کی طرف سے سپنا شرما کو اترنا تھا لیکن وہ اڑیسہ کے خلاف کھیلے گئے پہلے میچ میں ہار گئی تھیں۔ سپنا کا سامنا نیشنل یوتھ رنر اپ پریا کشواہا سے ہونا تھا۔
