یواین آئی
حیدرآباد؍؍شہر حیدرآباد کے سائبر آباد پولیس کمشنریٹ کے حدود میں 26سالہ وٹرنری ڈاکٹر کی اجتماعی عصمت دری کے بعد اس کے قتل اور لاش کو جلادینے کے واقعہ پر سوشیل میڈیا کے پلیٹ فارم فیس بک پرقابل اعتراض ریمارکس کرنے پر ایک نوجوان کو گرفتار کرلیا گیا۔اس نوجوان کی شناخت تلنگانہ کے ضلع نظام آباد کے نوی پیٹ منڈل کے فقیرآباد گاوں کے رہنے والے 22سالہ سی سری رام کے طورپر کی گئی ہے ۔اس نے مقتولہ کی تصاویر اپ لوڈ کی اور بعض قابل اعتراض ریمارکس کئے ۔جوائنٹ کمشنر ڈیٹکٹیو ڈپارٹمنٹ حیدرآباد اویناش موہنتی نے کہا کہ اس نے قابل اعتراض مواد پوسٹ کرنے کے لئے اسٹالن سری رام پروفائل کا استعمال کیا۔حیدآباد سائبر کرائم پولیس نے 30نومبرکو اس سلسلہ میں ایک معاملہ درج کیا تھا اور سری رام کا پتہ چلاتے ہوئے منگل کو اس کو گرفتارکرلیا۔اس کو عدالت میں پیش کیاگیا۔
