یواین آئی
اسلام آباد؍؍سابق صدر آصف علی زرداری نے صحت کی بنیاد پر منگل کو ضمانت کے لئے اسلام آباد ہائی کورٹ میں عرضی دائر کی ہے ۔پاکستان پیپلز پارٹی (پی پی پی)لیڈر بیمار ہیں اور فی الحال پاکستان انسٹی ٹیوٹ آف میڈیکل سائنس (پی آئی ایم ایس) میں ان کا علاج ہورہا ہے ۔پی پی پی صدر بلاول بھٹو زرداری نے کل کہا تھا کہ پارٹی کے سابق صدر کی طبی بنیاد پر ضمانت منظور کرنے کے لئے عرضی دائر کرے گی۔ انہوں نے میڈیا سے کہا کہ ‘‘ہمیں پاکستان کے ڈاکٹروں پر بھروسہ نہیں ہے ۔’’بہن بختاور اور آصفہ کے ساتھ آئے بلاول نے کہا کہ ‘‘مسٹر زرداری کو حالانکہ ضمانت کی عرضی دائر کرنے کے لئے سمجھا پانا مشکل کام تھا۔ آصفہ حالانکہ انہیں سمجھا پانے میں کامیاب ہوئی۔ ہمیں امید ہے کہ ہمیں انصاف ملے گا۔’’جیونیوز کے مطابق اس ماہ کے ابتدا میں احتساب عدالت نے زرداری کو کراچی میں علاج کے لئے اجازت دینے کی عرضی خارج کردی تھی۔منی لاؤنڈرنگ معاملے میں ضمانت کی عرضی خارج ہونے کے بعد زرداری کو جون میں گرفتار کرلیا گیا تھا۔
