نئی دہلی، 04 نومبر (یو این آئی ) ہندوستانی مرد ہاکی ٹیم نے روس کے خلاف اپنے گھریلو کلنگا اسٹیڈیم میں شاندار کارکردگی کا مظاہرہ کرنے کے ساتھ 21 ویں بار اولپک کے لئے کوالیفائی کر لیا جبکہ خاتون ہاکی ٹیم نے تیسری بار ان سب سے بڑے کھیلوں میں جگہ بنانے کی کامیابی درج کی ہے ۔اڑیسہ کے بھونیشور میں منعقد ایف آئی ایچ اولمپکس کوالیفائنگ میں خاتون ٹیم نے کپتان رانی رامپال کے چوتھے کوارٹر میں فیصلہ کن گول کی بدولت امریکہ کو کل 6-5 کے اسکور سے شکست دے کر تیسری بار اولمپکس کے لئے کوالیفائی کیا جبکہ مرد ٹیم نے روس کو 11-3 سے شکست دے کر اولمپکس کا ٹکٹ کٹایا۔ خاتون ٹیم اب تک تین اولمپکس میں اگرچہ میڈل تک نہیں پہنچ سکی ہے لیکن مرد ٹیم کے نام 11 تمغے درج ہیں جس میں آٹھ طلائی، ایک چاندی اور دو کانسی ہیں۔ لیکن مرد ٹیم نے اولمپکس میں اپنا آخری تمغہ طلائی کے طور پر سال 1980 میں ماسکو میں جیتا تھا اور اس کے بعد 39 برسوں سے اس کی تمغے کی خشک سالی برقرار ہے ۔مرد ہاکی ٹیم نے 1928 کے ایمسٹرڈیم میں طلائی تمغہ کے ساتھ اولمپکس میں شاندار شروعات کی تھی اور اس کے بعد 1932 کے لاس اینجلس، 1936 کے برلن، 1948 کے لندن، 1952 کے ہیلسنکی، 1956 کے میلبورن اولمپکس میں مسلسل طلائی تمغہ جیتے ۔ 1960 کے روم اولمپکس میں ہندوستانی ٹیم اگرچہ دوسرے نمبر پر کھسک گئی اور اسے سلور سے اکتفا کرنا پڑا لیکن اگلے 1964 کے ٹوکیو اولمپکس میں اس نے پھر سے طلائی کامیابی کو دہرا دیا۔ سال 1968 کے میکسیکو اور 1972 کے میونخ اولمپکس میں پھر ٹیم تیسرے نمبر پر کھسک گئی اور کانسی کا تمغہ جیتا۔1976 کے مانٹریال اولمپکس میں لیکن پھر ٹیم کی کارکردگی کافی مایوس کن رہی جہاں وہ ساتویں نمبر پر کھسک گئی اور پوڈیم فننش سے ہی باہر ہو گئی۔ سال 1980 میں اگلے اولمپکس میں اس نے نئی توانائی کے ساتھ ان کھیلوں میں دوبارہ کامیابی حاصل کر پہلا مقام حاصل کیا اور سونے پر قبضہ کیا جو اس کا اولمپکس میں آٹھواں تمغہ تھا۔ ماسکو میں ہندستانی مرد ٹیم کے لیے لیکن یہ اولمپکس میں آخری تمغہ بھی ثابت ہوا جس کے بعد اب تک وہ ان کھیلوں میں پوڈیم پر جگہ تک نہیں بنا سکی ہے ۔ ہندستان نے اولمپکس میں 21 ویں بار کوالیفائی کرنے کے ساتھ لیکن ایک بار پھر امید ضرور بندھا دی ہے ۔مرد ٹیم واحد بار بیجنگ اولمپک کے لیے کوالیفائی نہیں کر سکی ہے ۔ آخری بار 2016 کے ریو اولمپکس میں وہ آٹھویں نمبر پر رہی تھی۔دوسری طرف خاتون ٹیم نے تیسری بار اولمپک کھیلوں کے لیے کوالیفائی کر لیا ہے ۔ خاتون نے 1980 کے ماسکو اولمپکس میں کوالیفائی کرنے کے بعد جا کر 2016 کے ریو اولمپکس میں صرف دوسری بار اولمپکس ٹکٹ حاصل کیا تھا اور اب مسلسل یہ دوسرا موقع ہے جب اس نے 2020 ٹوکیو اولمپکس کا بھی ٹکٹ حاصل کیا ہے
