کولکتہ، 04 نومبر (یو این آئی ) بنگال خواتین کرکٹ کی تین سلیکٹر اتوار کو مشرقی بردوان میں سڑک حادثے میں شدید زخمی ہو گئیں۔ مشرقی بردوان میں موٹروے پر کار کے ذریعے سفر کر رہی خاتون سلیکٹرز کی ٹکر کنارے کھڑے ٹرک سے ہو گئی جس میں انہیں شدید چوٹیں آئیں۔ پورنیما چودھری، شیاما ڈے اور چندنا مکھرجی کو حادثے کے بعد اسپتال میں داخل کرایا گیا ہے ۔ زخمیوں میں شامل چندنا مکھرجی اپنے ڈرائیور کے ساتھ آگے والی سیٹ پر تھے جن کی حالت کافی سنگین بنی ہوئی ہے ۔ پولیس کے مطابق میماري میں صبح یہ واقعہ پیش آیا جب خاتون سلیکٹرز کی گاڑی موٹروے پر کھڑے ایک ٹرک سے جا ٹکرائی۔
