ا
یو این آئی
میامی، ´// دنیا کی نمبر ایک کھلاڑی جاپان کی ناومی اوساکا اور دنیا کے تیسرے نمبر کے کھلاڑی جرمنی کے الیکساندر زیویریف تیسرے را¶نڈ میں اپنے سنگلز مقابلوں میں الٹ پھیر کا شکار ہو کر میامی اوپن ٹینس ٹورنامنٹ سے باہر ہو گئے ہیں جبکہ سرینا ولیمس چوٹ کی وجہ سے ٹورنامنٹ سے ہٹ گئی ہیں۔اوساکا سے سیہ سو وی نے آسٹریلین اوپن میں ملی شکست کا بدلہ برابر کرتے ہوئے خواتین کے سنگلز کے تیسرے را¶نڈ میں 4-6، 7-6، 6-3 سے جیت اپنے نام کر لی۔ میلبورن میں اوساکا سے تیسرے را¶نڈ میں ہاریں تائیوان کھلاڑی نے پہلا سیٹ ہارنے کے بعد زبردست واپسی کی اور اوساکا کو باہر کر دیا۔دن کے دیگر مقابلوں میں دنیا کے تیسرے نمبر کے زیویریف کی شکست بھی رہی۔ا سپین کے ڈیوڈ فیرر نے زیویریف کو تین سیٹوں کی جدوجہد میں 2-6، 7-5، 6-3 سے شکست دی۔ دنیا میں 155 ویں نمبر کے 36 سالہ کھلاڑی فیرر کو اس بار ٹورنامنٹ میں وائلڈ کارڈ ملا تھا۔سال 2019 میں ریٹائرمنٹ لینے جا رہے فیرر نے گزشتہ سال کے رنر اپ زیویریف کو پہلا سیٹ ہارنے کے بعد زبردست انداز میں شکست دی جبکہ جرمن کھلاڑی کو 12 ڈبل فالٹ کرنے کا خمیازہ بھگتنا پڑا۔ زیویریف انڈین ویلز کے بھی تیسرے را¶نڈ میں ہار کر باہر ہو گئے تھے ۔33 سالہ سیہ خواتین کے سنگلز کے چوتھے را¶نڈ میں اب کیرولن ووزنیاک¸ سے کھیلیں گی۔ خواتین کے ڈرا میں موجودہ نمبر ایک اوساکا کے ہار اور سابق نمبر ایک سرینا کی گھٹنے کی چوٹ کی وجہ سے ٹورنامنٹ سے ہٹنے کے بعد مقابلہ برابری کا ہو گیا ہے ۔ اس سال امریکی اسٹار نے صرف سات میچ ہی کھیلے ہیں، وہ انڈین ویلز کے درمیان میں ہی بیماری کی وجہ سے ہٹ گئی تھیں۔23 بار کی گرینڈ سلیم چمپئن سرینا اپنی خراب فٹنس کی وجہ سے فی الحال ایک اور گرینڈ سلیم جیتنے کے قریب دکھائی نہیں دے رہی ہیں۔ سرینا کے ہٹنے سے چین کی 18 ویں سیڈ وانگ کیاگ کو چوتھے را¶نڈ میں واک اوور مل گیا ہے ۔دیگر میچوں میں غیر سیڈ کینیڈا بیانکا ادریسکو نے انجلک کربر کو 6-4، 4-6، 6-1 سے شکست دے کر ایک ہفتے میں دوسری بار شکست دی۔ انہوں نے جرمن کھلاڑی کے خلاف دو گھنٹے نو منٹ میں میچ جیتا۔ دونوں کھلاڑی انڈین ویلز فائنل میں بھی ایک دوسرے سے کھیل چکی ہیں۔
