یو این آئی
نئی دہلی کانگریس کے صدر راہل گاندھی نے وزیر اعظم نریندر مودی کے ایک ٹویٹ پر آج انہیں گھیرتے ہوئے کہا کہ لگتا ہے کہ انہیں جرم کا احساس ہو رہا ہے ۔مسٹر گاندھی نے ٹویٹ کیا، “مسٹر مودی آپ کا ٹوئٹ دفاعی ہے ۔ آج آپ کو تھوڑا سا جرم محسوس ہور ہے ؟ ” کانگریس کے صدر نے اپنے ٹویٹس کے ساتھ ایک تصویر پوسٹ کی ہے جس میں مسٹر مودی کے ساتھ کئی اہم کاروباریوں اور بینک سے قرض لیکر ملک چھوڑنے والے لوگوں کی تصویر لگائی گئی ہے ۔ اس کے ساتھ مسٹر مودی کے ٹویٹس ‘میں بھی چوکیدار’ جملہ بھی دکھایا گیا ہے ۔ اس سے پہلے کانگریس کے میڈیا انچارج رندیپ سنگھ سرجے والا نے ٹویٹ پر کہا، “10 لاکھ کے سوٹ پہن کر ٹھاٹ باٹھ’ بینک کرنے والا ، بینک بھگوڑوں مودی میھول-مالیا کا ساتھ نبھانے والا، سرکاری خزانہ سے اپنی تشہیر پر 5،200 کروڑ روپے لٹانے والا ، عوام کے پیسے سے 84 غیر ملکی دوروں میں سیر سپاٹے پر 2،010 کروڑ روپے اڑانے والا، رافیل میں 30،000 کروڑ روپے کی چوری کرانے والا ایک ہی چوکیدار چور ہے ”۔ وزیر اعظم نریندر مودی نے کانگریس کے “چوکیدار چور ہے ” کے نعرے کے جواب میں کہا ہے کہ بدعنوانی، گندگی اور سماجی برائیوں سے لڑنے والا ہر شخص چوکیدار ہے ۔ مسٹر مودی نے ٹویٹ کیا، “آپ کا چوکیدار مضبوطی سے کھڑا ہے اور ملک کی خدمت کر رہا ہے لیکن، میں اکیلے نہیں ہوں۔ ہر شخص جو بدعنوانی، گندگی اور سماجی برائیوں سے لڑرہا ہے ، چوکیدار ہے ۔ ہندوستان کی ترقی کے لئے محنت کرنے والا ہر شخص چوکیدار ہے ۔ ہر ہندوستانی آج کہہ رہا ہے – میں بھی چوکیدار ”۔
