لازوال ڈیسک
جموں؍؍مختلف مارکیٹ،تجارتی و صنعتی ایسوسی ایشنز کا اجلاس آج چیمبر ہاؤس میں ارون گپتا کی زیر صدارت منعقد ہوا۔وہیں اجلاس میں زیر بحث اہم نکتہ یہ تھا کہ کورونا وائرس کے پھیلاؤ کی وجہ سے پیدا ہونے والی صورتحال جس کی وجہ سے حکومت نے کچھ پابندیاں عائد کرنے پر مجبور کیا جس میں ہفتے اور اتوار کو شروع میں ویک اینڈ لاک ڈاؤن شامل ہے اور بعد ازاں وہی پابندیاں جمعہ کو دوپہر 2 بجے سے لگائی گئی ہیں۔ تاہم سی سی آئی کے صدر ارون گپتا نے مقامی انتظامیہ سے بات کی اور انہیں باور کرایا کہ لاک ڈاؤن کوئی حل نہیں ہے اور اس سے صرف کاروباری برادری ہی متاثر ہوگی جو پہلے ہی لاک ڈاؤن کی وجہ سے بہت زیادہ نقصان اٹھا چکے ہیں۔دریں اثناء ابتدائی طور پر چیمبر کی مداخلت سے دکانیں جمعہ کو دوپہر 2 بجے کے بجائے رات 9 بجے تک کھولی گئیں تاہم چیمبر کی ٹیم کی مسلسل کوششوں سے انتظامیہ سے درخواست کی گئی کہ کووِڈ کے متعدد کیسز میں کمی کے درمیان ہفتہ کے لیے لاک ڈاؤن کو ختم کیا جائے اور آخر کار اس پر انتظامیہ کو قائل ہونا پڑا ۔اس ضمن میںصدر سی سی آئی نے انتظامیہ کے ساتھ ساتھ تاجر برادری کا تہہ دل سے تعاون کیلئیشکریہ ادا کیا جس کی وجہ سے یہ سب ہوا اور چیمبر حالات کو مزید خراب ہونے سے روکنے میں کامیاب ہوا۔
