غلام عباس نے کٹرہ میں ملٹی میڈیا نمائش کے ایک حصے کے طور پر منعقد کی جانے والی سرگرمیوں کے بارے میں تبادلہ خیال کیا
لازوال ڈیسک
کٹرہ؍؍سنٹرل بیورو آف کمیونیکیشن (سی بی سی)، وزارت اطلاعات و نشریات، حکومت ہند نے بدھ کو کٹرہ میں جاری 8 روزہ ملٹی میڈیا نمائش کے لیے سامعین کی مشغولیت اور متحرک سرگرمیوں کے حصے کے طور پر متنوع پروگراموں کا اہتمام کیا۔وہیںسی بی سی کے فیلڈ آفس، ادھم پور کی طرف سے 16 اکتوبر سے 23 اکتوبر تک گورنمنٹ ہائر سیکنڈری اسکول، کٹرہ میں 9 سال کی خدمت، سوشاشن اور غریب کلیان کے موضوع پر ملٹی میڈیا نمائش کا انعقاد کیا جا رہا ہے۔اس موقع پرغلام عباس، جوائنٹ ڈائریکٹر، سی بی سی، جموں و کشمیر اور لداخ ریجن کے ساتھ سب ڈویژنل مجسٹریٹ (ایس ڈی ایم)، کٹرہ دیپک دوبے نے کارروائی کی صدارت کی۔وہیںاپنے خیالات کا اظہار کرتے ہوئے عباس نے سی بی سی کے مینڈیٹ کے بارے میں آگاہ کیا اور کٹرہ میں ملٹی میڈیا نمائش کے ایک حصے کے طور پر منعقد کی جانے والی سرگرمیوں کے بارے میں بھی بتایا۔اس دوران بات کرتے ہوئے دوبے نے بھی سی بی سی کی تعریف کی۔تاہم راجستھان اور کشمیر سے منتخب ثقافتی گروپوں نے بالترتیب مشہور گھومر اور بینڈ پاتھر پیش کرتے ہوئے اپنی رنگا رنگ پرفارمنس سے سامعین کو مسحور کیا۔دریں اثناء ایونٹ کے تیسرے دن کٹرہ سب ڈویژن کے مختلف اسکولوں کے طلباء نے گانے، فینسی ڈریس اوپن کوئز اور ڈرائنگ مقابلوں میں حصہ لیا۔ دن کے دوران کبڈی اور ٹگ آف وار جیسے کھیلوں کے مقابلے بھی منعقد کیے گئے۔ وہیںمقابلے کے ہر زمرے میں جیتنے والوں کو تقریب کے اختتام پر انعامات سے نوازا گیا۔دریں اثناء ان تقریبات کا اہتمام گورنمنٹ ہائر سیکنڈری سکول کٹرہ کے تعاون سے کیا گیا تھا۔اس موقع پر فیلڈ پبلسٹی آفیسر، سی بی سی ادھم پور شر خورشید یوسف نے بتایا کہ ایک بھارت شریشٹھ بھارت پہل کے تحت سی بی سی کی جانب سے روزانہ کی بنیاد پر ثقافتی شام کا انعقاد کیا جاتا ہے، جس میں مختلف ریاستوں کے عقیدت مندوں کے لیے پرفارم کرتے ہیں اور فرقہ وارانہ ہم آہنگی اور قومی یکجہتی کا پیغام پھیلاتے ہیں۔
