چیف جوڈیشل مجسٹریٹ کشتواڑ نے منعقدہ پروگرام میں متعلقہ آفیسران و دیگر شرکاء سے خطاب کیا
بابر فاروق
کشتواڑ؍؍مشن وتسالیہ کے تحت ضلع چائلڈ پروٹیکشن یونٹ کشتواڑ نے گورنمنٹ ڈگری کالج کشتواڑ میں بچوں کے حقوق اور جووینائل جسٹس ایکٹ 2015، POCSO ایکٹ 2012، اور بچوں کے حقوق کے نفاذ پر ایک روزہ سینسیٹائزیشن و تربیتی پروگرام کا انعقاد کیا۔ منعقدہ پروگرام ضلع سوشل ویلفیئر آفیسر،ضلع چائلڈ پروٹیکشن آفیسر زبیر احمد کی مجموعی نگرانی میں منعقد کیا گیا۔ اس پروگرام کی صدارت معزز چیف جوڈیشل مجسٹریٹ کشتواڑ محمود انور الناصر نے کی۔ پروگرام کے دوران متعلقہ آفیسران و دیگر شرکاء سے خطاب کرتے ہوئے چیف جوڈیشل مجسٹریٹ کشتواڑ نے مستحق بچوں کی دیکھ بھال اور تحفظ سے نمٹنے کے لیے قانونی نظام کے کام اور مذہبی نقطہ نظر پر روشنی ڈالی۔
انہوں نے کہا کہ یہ حساسیت، تربیتی پروگرام بیداری بڑھانے اور متعلقہ آفیسران و دیگر شرکائ کو مؤثر طریقے سے بچوں کی حفاظت کے لیے ضروری معلومات اور مہارتوں سے آراستہ کرنے کے لیے اہم ہے۔مختلف متعلقہ آفیسران بشمول جے جے بورڈ، سی ڈبلیو سی اور ڈی سی پی یو کے عہدیداروں، ڈی ایل ایس اے کے نمائندے، پیرا لیگل، سابقہ عوامی نمائندے، مقامی این جی او، تاجر، صحافیوں، آشا ورکرز، آنگن واڑی ورکرس نے پروگرام میں شرکت کی۔تحصیل سوشل ویلفیئر آفیسر کشتواڑ، راجیش شرما نے مشن وتسلیہ پر اپنی تعارفی تقریر شروع کی اور پروگرام کی اہمیت کو سمجھانے کے علاوہ ضلع کی سطح پر اس موضوع اور اس کے کام کرنے کے طریقہ کار کی تفصیلی وضاحت کی۔انہوں نے کہا کہ اس پروگرام کا مقصد بچوں کے حقوق کے حوالے سے بیداری پیدا کرنا اور ضلع میں جووینائل جسٹس ایکٹ کے مناسب نفاذ کو یقینی بنانا ہے۔
اس موقع پر خطاب کرنے والوں میں سابقہ چیئرمین سی ڈبلیو سی کشتواڑ اور ریٹائرڈ ڈی واء ایس پی موہن لال ٹھاکر، چیئرپرسن چائلڈ ویلفیئر کمیٹی کشتواڑ شیتل نین، سپیشل جوینائل پولیس آفیسر کشتواڑ سب انسپکٹر یودھویر شرما اورایڈووکیٹ انجلی شامل ہیں۔ مقررین نے بچوں کے حقو5، جووینائل جسٹس ایکٹ 2015 اور پوکسو ایکٹ 2012 کا جائزہ، گود لینے کے ضوابط 2022، اور ایس ایس اے کے کردار، جووینائل جسٹس ایکٹ کے دوران اور بعد میں نوجوانوں کے ساتھ پولیس اہلکاروں کے رویے کے علاوہ مشن کا جائزہ پیش کیا۔ مقررین نے اس بات پر بھی روشنی ڈالی کہ انٹیگریٹڈ چائلڈ پروٹیکشن اسکیم کے تحت، محکمہ مستحق بچوں کو احتیاطی، قانونی، دیکھ بھال اور بحالی کی خدمات فراہم کرنے پر توجہ مرکوز کرتا ہے، بشمول ممکنہ طور پر کمزور خاندانوں، یتیموں، منشیات کا استعمال کرنے والے، بچے بھکاری یا جنسی استحصال کے شکار بچے۔ مقررین نے پروگرام کے دوران اسپانسر شپ اسکیم پر بھی روشنی ڈالی جس میں سی ڈبلیو سی کی سفارشات اور ضلع مجسٹریٹ کی منظوری پر دیکھ بھال اور تحفظ کی ضرورت والے بچے کو چار ہزار ماہانہ مالی امداد دی جاتی ہے۔انہوں نے یہ بھی کہا کہ ضلع چائلڈ پروٹیکشن یونٹ، چائلڈ ویلفیئر کمیٹی اور جووینائل جسٹس بورڈ بچوں کے حقوق اور جوینائل جسٹس ایکٹ کے نفاذ کو یقینی بنانے کے ساتھ ساتھ چائلڈ لیبر اور متعلقہ قوانین کی خلاف ورزیوں کا مقابلہ کرنے کے لیے سرگرم عمل ہیں۔
