لازوال ڈیسک
کشتواڑ// سمچم گاؤں کے بعد، ضلع کشتواڑ کے دور دراز علاقوں میں ٹیلی کمیونیکیشن خدمات کو بڑھانے کی طرف ایک اور اہم پیش رفت دیکھنے میں آئی کیونکہ سروس پرووائیڈر جیو نے وروان کے انشان علاقے میں پہلا موبائل نیٹ ورک ٹاور فعال کیا۔یہ نیا فنکشنل ٹاور انتہائی اہمیت کا حامل ہے، خاص طور پر سخت سردیوں کے مہینوں میں، بلاتعطل ٹیلی کمیونیکیشن خدمات کو یقینی بنائے گا جو وادی کے اندر اور دیگر خطوں کے ساتھ رابطے کو برقرار رکھنے کے لیے ضروری ہے۔وہیں اس ٹاور کا قیام ایک اہم سپورٹ سسٹم کے طور پر سامنے آیا ہے، خاص طور پر اس علاقے میں شدید برف باری کی وجہ سے سڑک کے کنیکٹیویٹی کے چیلنجز کے مسائل میں۔سردیوں سے پہلے اس علاقے تک ٹیلی کمیونیکیشن کنیکٹیویٹی کو بڑھانے میں جیو حکام کی فعال کوششوں کو مقامی لوگوں کی طرف سے بڑے پیمانے پر پذیرائی ملی ہے۔ کمیونٹی نے خطے میں اہم ٹیلی کمیونیکیشن خدمات کو آگے لانے کے لیے جیوکی ہموار کوششوں کو تسلیم کیا ہے۔مزید برآں، ڈپٹی کمشنر ڈاکٹر دیونش یادو آئی اے ایس کی قیادت میں ضلع انتظامیہ کشتواڑ نے اس ٹاور کی بروقت تنصیب کو یقینی بنانے میں تعاون اور سہولت کاری کے لیے سراہا۔ ضلع کی بہتری کے لیے اس طرح کے اقدامات کو فروغ دینے میں ان کے فعال انداز کو رہائشیوں نے گرمجوشی سے تسلیم کیا ہے۔
