لازوال ڈیسک
ریاسی//ڈی ایل ایس اے ریاسی کے زیراہتمام اور سونیا گپتا چیرمین، ڈسٹرکٹ لیگل سروسز اتھارٹی، ریاسی کی قابل رہنمائی اور نگرانی میں آج یہاں ڈسٹرکٹ کورٹ کمپلیکس میں یوم دستور منایا گیا۔وہیںیہ تقریب ہندوستان کے آئین کو اپنانے کی یاد میں اور ڈاکٹر بھیم راؤ امبیڈکر کو خراج عقیدت پیش کرنے کے لیے منعقد کی گئی تھی جنہوں نے ہندوستانی آئین کی تشکیل میں اہم کردار ادا کیا تھا۔منصف جوڈیشل مجسٹریٹ فرسٹ کلاس، ریاسی آرتی نے پروگرام کی کارروائی چلائی اور اس دن کی اہمیت پر روشنی ڈالی۔ انہوں نے اس بات کا بھی اعادہ کیا کہ یہ دن ہمیں معاشرے کی خدمت کرنے کی ہماری لگن کی یاد دلاتا ہے، خاص طور پر معاشرے کے غریب اور پسماندہ طبقوں کے لیے انصاف کو یقینی بنانے کے لیے اور زیر سماعت افراد کو سستا اور فوری انصاف فراہم کرنے کے لیے تمام اقدامات کرنا جو ان کا آئینی حق ہے۔ "تقریب میں جوڈیشل افسران، پراسیکیوٹرز، ایڈووکیٹ، پینل وکلائ، پیرا لیگل رضاکاروں اور عملے کے ارکان نے شرکت کی۔پروگرام کے ایک حصے کے طور پر، ہندوستان کے آئین کا تمہید بھی تمام شرکائ نے پڑھا۔ اس کے علاوہ تحصیل لیگل سروسز کمیٹی کٹرہ اور مہور نے بھی اپنے اپنے مقامات پر یوم دستور منایا۔قبل ازیں 24 نومبر اور 25 نومبر کو ڈی ایل ایس اے ریاسی نے گورنمنٹ ماڈل ہائیر سیکنڈری اسکول کٹرہ اور گورنمنٹ گرلز ہائی اسکول کٹرہ میں یوم دستور کی اہمیت کے بارے میں بیداری پروگرام کا انعقاد کیا۔وہیںضلع ریاسی کے پی ایل ویز نے بھی یوم دستور کی اہمیت کے بارے میں بیداری کی اور لوگوں کو اس پروگرام میں حصہ لینے کی ترغیب دی۔
