وزیر اعظم مودی کی قیادت میں سال 2047 تک بھارت کی آزادی کی صد سالہ پر ملک ہر میدان میں نمبر ون ہوگا
لازوال ڈیسک
نئی دہلی؍؍ملک میں کسی نے سوچا بھی نہیں تھا کہ بھارت کے آئین کی دفعہ 370 کو منسوخ کردیا جائے گا اور ایک گولی بھی نہیں چلائی جائے گی کا دعویٰ کرتے ہوئے وزیر داخلہ امیت شاہ نے کہا کہ پورے بھارت بھر میں یکساں سول کوڈ کے نفاذ کیلئے ہم نے اپنی پارٹی کے عزم کا اعادہ کیا۔ایک انگریزی چینل کو دئے گئے اپنے ایک انٹر ویو میں وزیر داخلہ امیت شاہ نے کہا کہ ملک میں کسی نے سوچا بھی نہیں تھا کہ بھارت کے آئین کی دفعہ 370 کو منسوخ کردیا جائے گا اور ایک گولی بھی نہیں چلائی جائے گی ۔شاہ نے کہا کہ وزیر اعظم نریندر مودی نے عزم ظاہر کیا اور آئین ہند کی دفعہ 370 کو منسوخ کر دیا۔ انہوں نے کہا کہ ’’ ایک بھی گولی نہیں چلائی گئی۔ کشمیر میں کچھ نہیں ہوا۔ کسی نے اس کا تصور بھی نہیں کیا ہوگا،‘‘ ۔ امیت شاہ کہا کہ نے ہندوستان میں یکساں سول کوڈ کے نفاذ کے لیے اپنی پارٹی کے عزم کا اعادہ کیا۔انہوں نے کہا کہ یہ جن سنگھ کے قیام کے دنوں سے ہی بی جے پی کے ایجنڈے کا حصہ ہے اور انہوں نے مزید کہا کہ یہ ہمیشہ کانگریس رہی ہے جس نے یکساں سول کوڈ کی مخالفت کی ہے کیونکہ پارٹی خود مطمئن کرنے کی سیاست کرتی ہے۔وزیر داخلہ نے یہ بات اس حقیقت کی روشنی میں کہی کہ ابھی چند دن قبل چیف منسٹر بھوپیندر پٹیل کی صدارت میں گجرات کابینہ نے ریاست میں یو سی سی کو نافذ کرنے کے لیے ایک کمیٹی تشکیل دینے کی تجویز کو منظوری دی تھی۔یہ پوچھے جانے پر کہ گجرات میں بی جے پی کا سی ایم چہرہ کون ہوگا، شاہ نے اپنے جواب میں واضح کہا کہ تبدیلی کا سوال کہاں ہے؟ انتخابات بھوپیندر بھائی کی قیادت میں ہو رہے ہیں، اس لیے فطری بات ہے کہ گجرات کے لوگ ان کے نام پر اپنی منظوری کی مہر لگائیں گے۔انہوں نے کہا کہ بی جے پی کی سب سے بڑی قرارداد ہندوستان کو نمبر ون بنانا ہے اور امرت مہوتسو کے موقع پر وزیر اعظم نریندر مودی نے اعلان کیا تھا کہ 2047 تک ہندوستان کی آزادی کی صد سالہ پر ملک ہر میدان میں نمبر ون ہوگا۔انہوں نے مزید کہا کہ مودی کی قیادت میں ملک نے اتنی حیرت انگیز ترقی کی ہے۔ لہذا، 2022 میں بھی، گجرات کے لوگ بی جے پی کو ریاست میں زبردست اکثریت دیں گے۔انہوں نے کہا کہ اے اے پی پارٹی کو یہ نہیں معلوم کہ گجرات میں سال 1960 سے تعلیم مفت ہے، گجرات میں جس طرح کی ترقی ہوئی ہے اور جو نتائج برآمد ہوئے ہیں، اس کا ملک میں کبھی کوئی تصور بھی نہیں کر سکتا تھا۔
