پلوامہ ترال کا علاقہ دیدار پورہ سویناڈآج بھی سڑک کی سہولیات سے محروم

مریض کو بھی چار پائی پر اٹھا کر دو کلومیٹر پیدل سفر کرتے ہیں پھر گاڑی ملتی ہے:عوام
نور محمد ترالی

ترال؍؍ترال دیدار پورہ سویناڈ میں سڑک نہ ہونے کی وجہ سے لوگوں کو مشکلات کا سامنا کرنا پڑ رہا ہے ۔دیدار پورہ کے لوگوں نے موجودہ حکومت پر الزام عائد کرتے ہوئے کہا کہ ہم کئی محکمہ جات تک پہنچے مگر ہماری فریاد کسی نے آج تک نہیں سنی۔ سویناڈ میں الیکشن کے وقت ہر ایک امید وار ہمارے گائوں پہنچتا ہے اور دیدار پورہ سویناڈ کے لوگوں کو یقین بھی دلاتے ہیں کہ اب ہم آپ کے گائوں میں سڑک جلدی بنوائیںگے مگر انتخابات کے بعد یہاں کے لوگوں کو کوئی ایم ایلے اپنے آفس کے درازے تک نہیں جانے دیتا۔ دیدار پورہ سویناڈ کے لوگوں کا کہناں ہم بہت بار PMGSY اور R&B آفس پلوامہ کے چکر کاٹ چکے ہیں مگر سب نہ کے برابر ۔عوام کا کہنا ہے کہ ہمارے گائوں میں اگر کوئی بیمار ہوجائے اسے شفاء خانے لئے جانے میں ہمیں 2 کلومیڑ راستہ پیدل طے کرنا ہوتا ہے اور اس دوران مریض کو چار پائی پر کاندھوں پر اٹھا کر لئے جانا ہوتا ہے۔ دیدار پورہ سویناڈ کے ایک شخص بشیر احمد چوہان نے لا زوال سے بات کرتے ہوئے کہا کہ ہمارے مسائل کو انتظامیہ کے سامنے پیش کیا جائے اور ان مسائل اکا ازالہ کیا جائے۔