عوام اور سکولی طلاب مشکلات دو چار ،سڑک کی حالت بہتر بنانے کا مطالبہ
داودخان
مینڈھر// مینڈھر کے علاقہ سخی میدان بھاٹہ کس سے ٹوپا جارہی کم ازکم دس کلو میٹر سڑک کی حالت نہایت ہی خراب ہے جس کی وجہ سے ایک بڑی آبادی والے علاقہ کے لوگوں کی پریشانی بڑھتی جارہی ہے۔اس ضمن میں مقامی عوام نے محکمہ تعمیرات عامہ کے اعلی آفیسران کو تنقید کا نشانہ بناتے ہوئے کہا کہ محکمہ سڑک کی طرف کوئی توجہ نہیں دے رہا ہے اور سڑک کی حالت ایسی ہو چکی ہے کہ یہاں چلنا مشکلا ہو رہا ہے ۔عوامی حلقوں کا کہنا کہ سڑک پر مقامی عوام کے ساتھ ساتھ اسکولی طلاب کو پیدل چلنے میں مشکلات کا سامنا کرنا پڑ رہا ہے ۔انہوں نے کہاکہ سڑک کی خستہ حالت وہنے کی وجہ سے اسکولی طلباء اسکول دیر سے پہنچتے ہیں مگر محکمہ سڑک ٹس سے مس تک نہیں ۔انہوں نے اس سلسلے میں ضلع ترقیاتی کمشنر پونچھ سے خصوصی مداخلت کی اپیل کرتے ہوئے کہا کہ متعلقہ محکمہ کو سڑک کی حالت بہتر بنانے کی ہدایات جاری کی جائیں۔
