ایس ایس کے رضاکاروں کو ووٹنگ کی اہمیت سے آگاہ کیا گیا
لازوال ڈیسک
راجوری؍؍بابا غلام شاہ بادشاہ یونیورسٹی راجوری کی این ایس ایس ٹیم نے بینر تلے ووٹ بیداری پروگرام کا انعقاد کیا۔اس دوران یونیورسٹی کے وائس چانسلر پروفیسر اکبر مسعود نے تقریب کے انعقاد پر این ایس ایس ٹیم کی کاوشوں کو سراہا۔وہیں پروفیسر اکبر نے ذکر کیا کہ الیکشن کمیشن نے ایک بہت ہی متحرک مہم ’میرا پہلا ووٹ – دیش کے لیے‘شروع کی ہے۔ پروفیسر اکبر نے پہلی بار ووٹ دینے والوں پر زور دیا کہ وہ بڑی تعداد میں ووٹ ڈالیں۔اس موقع پرڈاکٹر ظہیر عباس (این ایس ایس ٹیم ممبر) نے خطبہ استقبالیہ پیش کیا جس کے بعد اس موضوع پر ایک بہت ہی جامع، حوصلہ افزا، اور منصوبہ بند لیکچر نکھل گپتا، اسسٹنٹ پروفیسر، شعبہ انفارمیشن ٹیکنالوجی انجینئرنگ نے دیا۔واضح رہے تقریب میں تقریباً 80 این ایس ایس رضاکاروں نے حصہ لیا۔
اس پروگرام کا مقصد این ایس ایس کے رضاکاروں کو ووٹنگ کی اہمیت سے آگاہ کرنا اور انہیںووٹنگ کی معلومات پھیلانے اور ملک کے دوسرے نوجوان اور پہلی بار ووٹ دینے والوں کو تحریک دینے کے لیے ایک محرک قوت کے طور پر تیار کرنا تھا۔تاہم پروگرام کے دوران حلف برداری کی تقریب بھی منعقد ہوئی۔ اس موقع پر تمام شرکاء نے ووٹ ڈالنے اور ساتھی ہندوستانیوں کو بھی ووٹ دینے کی ترغیب دینے کا عہد لیا۔ وہیںپروگرام کے دوران ووٹنگ سے متعلق کچھ متاثر کن مختصر ویڈیوز بھی دکھائی گئیں۔
