بزرگ افراد کے ساتھ معیاری وقت گزاریں، تاکہ ان کی صحبت حاصل کی جاسکے: مست ناتھ یوگی
لازوال ڈیسک
بھدرواہ ن//محکمہ سماجی بہبود ضلع ڈوڈا نے آج یہاں بھارتیہ ودیا مند گراؤنڈ گنپت بازار بھدرواہ میں نیشنل سینئر سٹیزن ڈے منایا۔وہیں اس موقع پرمست ناتھ یوگی سماجی و سیاسی رہنما اور چیف سرپرست سینئر سٹیزن کونسل بھدرواہ نے بطور مہمان خصوصی شرکت کی۔جبکہ اس پروگرام میں کئی سرگرمیوں کا انعقاد کیا گیا، جس میں ایک میڈیکل چیک اپ کیمپ، آیوش ادویات، کٹس کی تقسیم، سائیکو-سوشل کونسلنگ اور یوگا سیشن شامل ہیں ۔جس کی میزبانی محکمہ آیوش اور سب ڈسٹرکٹ ہسپتال بھدرواہ نے کی ۔وہیںاس موقع پر ایڈیشنل ڈسٹرکٹ بھدرواہ بھر سے 300 سے زائد بزرگ شہریوں نے پروگرام میں شرکت کی۔ اس موقع پر مست ناتھ یوگی نے بتایا کہ ہم نے نوجوانوں کو بوڑھے افراد بشمول ان کے والدین، دادا دادی اور عام طور پر بوڑھے لوگوں کی دیکھ بھال کی ضرورت کے بارے میں آگاہ کیا ہے اور انہیں مختلف قسم کے احسان کے کاموں میں شامل کرکے نمایاں طور پر مشورہ دیا ہے کہ وہ بزرگ افراد کے ساتھ معیاری وقت گزاریں تاکہ ان کی صحبت حاصل کی جاسکے اور ان کے تجربات سے سیکھیں۔ وہیںسیشن کے دوران، آیوش کے میڈیکل آفیسر اور یوگا انسٹرکٹرز نے شرکاء کو ان کی صحت کی دیکھ بھال اور تناؤ کے انتظام کے بارے میں معلومات اور رہنمائی فراہم کی۔بعد ازاں اس موقع پر بیڈمنٹن، شطرنج، کیرم وغیرہ جیسے کھیلوں کی تقریبات کا بھی انعقاد کیا گیا جس میں ضلع بھر سے کئی نامور بزرگ شہریوں نے حصہ لیا۔
