یہ اقدام خانہ بدوشوں کو اپنا حق رائے دہی استعمال کرنے سے محروم کرنے کی سازش ہے:انقلابی
کہاالیکشن کمیشن اننت ناگ راجوری پارلیمانی حلقہ میں مقررہ تاریخوں یعنی 7 مئی 2024 کو انتخابات کرائے
لازوال ڈیسک
جموں؍؍آئی جی ایم کا ایک اہم اجلاس آج چوہدریرشید اعظم انقلابی کی زیر صدارت منعقد ہواجس میں اننت ناگ راجوری حلقہ کے خانہ بدوشوں نے حصہ لیا اور الیکشن کمیشن آف انڈیا کے انتخابات کو دوبارہ شیڈول کرنے کے اقدام پر تبادلہ خیال کیا، جس نے جموں و کشمیر کے چیف سکریٹری اور چیف الیکٹورل آفیسر سے ری شیڈولنگ کے لیے تبصرے طلب کیے۔انہوں نے کہاکہ کچھ سیاسی جماعتیں جو میدان میں نہیں ہیں انتخابات کو ملتوی کروانے کے حق میں ہیں جیسا کہ 3- اننت ناگ -راجوری میں7 مئی 2024 کو پولنگ ہو رہی ہے۔
اس موقع پر شرکاء نے کہاکہ مغل روڈ اس وقت فعال ہے اور گاڑیوں کی آمدورفت میں کوئی دشواری نہیں ہے۔ تمام سیاسی جماعتیں اور مدمقابل امیدوار آزادانہ انتخابی مہم چلا رہے ہیں۔ پیرپنجال پی ڈبلیو ڈی ڈویژن کا عملہ بہت متحرک ہے اور پیشہ ورانہ طور پر کام کرتا ہے۔انہوں نے مزیدکہاکہ اگر بارش کی وجہ سے سڑک پر کچھ سلائیڈنگ ہو جائے تو متعلقہ محکمہکا عملہ ایک گھنٹے میں سڑک سے ملبہ ہٹا کر سڑک کو ٹریفک کے لیے کھولنے کی پوزیشن میں ہے جبکہ اس پارلیمانی حلقے کا متبادل راستہ ضلع رام بن اور ریاسی اضلاع سے قومی شاہراہ کے ذریعے بھی دستیاب ہے۔ انہوں نے مزید کہاکہ مغل روڈ سے ہوتے ہوئے اننت ناگ سے پونچھ تک کا فاصلہ اور رامبن؍ریاسی کا متبادل راستہ تقریباً ایک جیسا ہے۔انہوں نے کہاکہ اننت ناگ نشست کے امیدوار نے الیکشن ملتوی نہ کرنے کا معاملہ کمیشن کے سامنے پہلے ہی اٹھایا ہے۔ پرچہ نامزدگی داخل کرنے کا عمل پہلے ہی ختم ہوچکا ہے اور اب مقابلہ کرنے والے امیدوار میدان میں ہیں اور سڑک کے رابطے کی کسی دشواری کے بغیر آزادانہ طور پر انتخابی مہم چلا رہے ہیں۔
انہوں نے مزیدکہاکہ کچھ سیاسی پارٹیوں اور لوگوں نے جو اننت ناگ/راجوری حلقہ سے انتخاب نہیں لڑ رہے ہیں نے مطالبہ کیا کہ انتخابات کو دوبارہ ترتیب دیا جائے۔انہوں نے کہاکہ مئی 2024 کے دوسرے ہفتے میں خانہ بدوش ووٹرز گرمیوں کیلئے ہجرت کر رہے ہیں اوراس پارلیمانی حلقے میں تقریباً 5 لاکھ خانہ بدوش ووٹرز منتقل ہوں گے۔انہوں نے مزیدکہاکہ اگر انتخابات کی تاریخیں دوبارہ طے کی جاتی ہیں تو 5 لاکھ خانہ بدوش ووٹر اپنا ووٹ ڈالنے کی پوزیشن میں نہیں ہوں گے اور اس سے انہیں ناقابل تلافی نقصان ہوگا۔اس موقع پر خانہ بدوشوں نے مطالبہ کیا کہ الیکشن کمیشن اننت ناگ راجوری پارلیمانی حلقہ میں مقررہ تاریخوں یعنی 7 مئی 2024 کو انتخابات کرائے۔
