ایف ایس ایس اے قوانین و ضوابط کے بارے میں عوام کو کیا گیا آگاہ
بابر فاروق
کشتواڑ؍؍فْڈ سیفٹی ڈی ایف سی او کشتواڑ کی طرف سے عوام کو خصوصاً بچوں کو محفوظ، صحت بخش خوراک کی دستیابی کو یقینی بنانے کے لیے قومی فْڈ سیفٹی اور نیوٹریشن لینڈ سکیپ کو اپنی بہترین سطح پر تبدیل کرنے کے لیے کئی اقدامات کیے۔ ایٹ رائٹ اسکول پروگرام کا مقصد اسکول کے بچوں کے ساتھ فْڈ سیفٹی، غذائیت، حفظان صحت کے بارے میں تخلیقی صلاحیتوں اور بڑے پیمانے پر بیداری فراہم۔کرنا اور بچوں کے ذریعے بڑے پیمانے پر عوام کو ایف ایس ایس اے کے قوانین و ضوابط سے آگاہ کرنا تھا۔ معاشرے میں طرز عمل میں تبدیلی لانے کے لیے ابتدائی زندگی میں چند عادات پیدا ہوتی ہیں اور اسکولی نصاب اور اسکول کی سطح پر اضافی نصاب دونوں میں خوراک اور غذائیت کی مناسب کوریج ضروری ہے، اس لیے ایٹ رائٹ اسکول اور ایٹ رائٹ تخلیقی صلاحیت نے محفوظ اور معیاری خوراک اور بہترین غذا کے ضابطے سے عوام کو آگاہ کرنے کے لیے کئی پروگرام منعقد کیے گئے۔ ضلع کشتواڑ میں ایٹ رائٹ اسکول کے اقدام کو نافذ کرنے کے لیے محکمہ فْڈ سیفٹی ڈرگس اینڈ فْڈ کنٹرول آرگنائزیشن ضلع کشتواڑ کمشنریٹ ایف ڈی اے جموں و کشمیر کی ہدایات کے مطابق اور ضلع انتظامیہ کشتواڑ کے تعاون سے طارق احمد بٹ اسسٹنٹ کمشنر فْڈ سیفٹی ڈی ایف سی او ضلع کشتواڑ نے انفورسمنٹ آفیسران کی اپنی ٹیم کے ساتھ چیف ایجوکیشن آفیسر کشتواڑ اور شیخ غلام احمد مغل نوڈل آفیسر ایٹ رائٹ اسکول کشتواڑ کے اداروں کے سربراہان کے ساتھ ایک میٹنگ طلب کی۔ میٹنگ کے دوران ایک تفصیلی بات چیت کی گئی اور چیک لسٹ کے مطابق بات چیت کی گئی جس میں اہف ایس ایس اے کے تحت اسکولوں کا اندراج اور آخر میں ایٹ رائٹ اسکول سرٹیفیکیشن پر بھی گفتگو کی گئی۔ طارق احمد اسسٹنٹ کمشنر فْڈ سیفٹی ڈی ایف سی او کشتواڑ نے کہا کہ یہ بات قابل ذکر ہے کہ اب تک 1177 اسکولوں کو رجسٹر کیا گیا ہے اور 447 ہیلتھ اینڈ ویلنیس ایمبیسیڈر سرٹیفیکیٹس تیار کیے گئے ہیں جو ایک حوصلہ افزا سنگ میل ہے۔ پروگرام کے اختتام میں نگرانی اور تشخیص کے حوالے سے متعلقہ آفیسران نے ایف ایس ایس اے آئی کے ذریعہ وضع کردہ ایٹ رائٹ اسکول میٹرکس کے کلیدی نوٹوں کا اظہار کیا اور اسی موضوع پر وسیع تر گفتگو کی جس میں بچوں کے ذہن کی ہم آہنگی، آئی ایف اے سپلیمنٹس، ڈی ورمنگ، مڈ ڈے میل، بنیادی سہولیات بشمول پورٹیبل پانی، بیت الخلاء کی سہولیات شامل ہیں۔ اس دوران دو کلسٹروں کا اندراج ہوا جن میں کلسٹر ایک ایم ایس پوچھال، ہاء اسکول سنگرام بھاٹہ ، میڈل اسکول کنڈہالی، یو پی ایس پوچھال اور دوسرا کلسٹر ایچ ایس باندرنہ، جی جی ایم ایس بھوپ نگر، ایم ایس بھاگوان محلہ اور سٹی بوائز ایم ایس کشتواڑ شامل ہیں متعلقہ آفیسران نے ایٹ رائٹ چیلنج سوم کے حقدار کے ساتھ مقاصد پر روشنی ڈالی جو کہ ایف ایس ایس اے کی طرف سے ایک فلیگ شپ پروگرام ہے جس کا مقصد بھی اچھی صحت اور تندرستی کو یقینی بنانا ہے۔ مختلف زمروں کے پروگراموں اور پینٹنگز، رنگولی، سجاوٹ وغیرہ کی تکمیل کے ذریعے شرکاء نے اپنے جامع انداز کے ذریعے پیش کیا گیا۔ اس کے علاوہ محکمہ فْڈ سیفٹی ڈی ایف سی او کشتواڑ کی ٹیم نے فْد فورٹیفیکیشن، مڈ ڈے میل، حفظان صحت کے طریقوں اور صفائی کے ساتھ ساتھ نشہ مْکت بھارت کے بارے میں خطاب کیا اور نشہ مْکت بھارت کے بارے میں عہد بھی لیا گیا۔
