شاہ ہلال
اننت ناگ // شاہ آباد ڈیولمپنٹ فورم کے بینر تلے آج شنکر پورہ ڈورو میں ایک غیر معمولی میٹنگ چیرمین ظہور احمد ملک کی صدارت میں منعقد ہوئی۔جس میں کئی نوجوانوں نے شرکت کی ۔میٹنگ میں آنے والے پنچایتی و بلدیاتی انتخابات پر تبادلہ خیال کیا گیا۔اس موقع پر ظہور احمد ملک نے نوجوانوں پر زور دیا کہ وہ اپنے اپنے گاؤں کی مجموعی ترقی کے لئے آگئے آئیں۔انہوں نے کہا کہ وقت کی ضرورت ہے کہ اب کی بار پڑھے لکھے نوجوان انتخابات میں حصہ لینے کے لئے آگئے آئیں تاکہ وہ اپنے اپنے گاؤں کو ترقی کی راہ پر گامزن کرنے کیلئے پہل کریں ۔انہوں نوجوانوں پر زور دیا کہ وہ منشیات کا قلع قمع کرنے کیلئے سماجی کاموں ہاتھ بٹائے اور پڑھائی کے ساتھ ساتھ زیادہ سے زیادہ کھیل کود کی طرف راغب ہوجائے جس سے آپ نہ صرف جسمانی طور تندرست رہ سکیں گے بلکہ منشیات جیسے برے کاموں سے بھی دور رہو گے ۔اس موقعہ پر مقامی نوجوانوں نے شاہ آباد ڈیولپمنٹ فورم کے کام کاج کی کافی سراہنا کی اور اُمید جتائی کہ آئیندہ بھی فورم اسی طرح نوجوانوں کی فلاح و بہبود کیلئے کام کریں گے
