جے پور، 09 جولائی (یو این آئی) راجستھان ہاؤسنگ بورڈ جلد ہی ریاست کے نوجوانوں کو مختلف کیڈر کے 311 عہدوں پر بھرتی کرے گا۔
ہاؤسنگ کمشنر پون اروڑہ نے بتایا کہ کئی دہائیوں کے بعد ڈویژن میں اتنی بڑی تعداد میں بھرتی کا اہتمام کیا جا رہا ہے۔ انہوں نے کہا کہ جس طرح بورڈ نے بلڈنگ کنسٹرکشن سمیت دیگر شعبوں میں ریکارڈ قائم کیے ہیں، اسی طرح بھرتی کے امتحانات مکمل شفافیت اور منصفانہ طریقے سے منعقد کیے جائیں گے۔
مسٹر اروڑہ نے بتایا کہ اس کے تحت پروگرامر کے عہدہ کے لیے 1، پروجیکٹ انجینئر (سینئرسول) کے لیے 48 اور ٹاؤن پلاننگ اسسٹنٹ یا آرکیٹیکٹ اسسٹنٹ کے گزیٹیڈ کے لیے 4 عہدوں پر آر پی ایس سی بھرتی امتحان منعقد کرائے گا۔ جب کہ کمپیوٹر آپریٹر (اسسٹنٹ پروگرامر (L-10) کے لیے 6، ڈیٹا انٹری آپریٹر (انفارمیشن اسسٹنٹ) کے لیے 18، پروجیکٹ انجینئر (جونیئرسول) کے لیے 100، پروجیکٹ انجینئر (جونیئرالیکٹریکل) کے لیے 11، سینئر ڈرافٹس مین کے لیے 4۔ CDAC جونیئر ڈرافٹس مین 10، لیگل اسسٹنٹ (جونیئر لاء آفیسر) 9، جونیئر اکاؤنٹنٹ 50 اور جونیئر اسسٹنٹ 50 کی نان گزیٹڈ آسامیوں کے لیے بھرتی کی جائے گی۔
