خون کے عطیہ کیمپ میں این سی سی کے 50 کیڈٹس نے حصہ لیا
لازوال ڈیسک
جموں؍؍خدمت اور یکجہتی کے جذبے کے تحت، دو جموں وکشمیر گرلز بٹالین نے 75ویں این سی سی ڈے کی یاد میں این سی سی گروپ ہیڈ کوارٹر، جموں کے زیراہتمام ایک خون عطیہ کیمپ کا انعقاد کیا۔واضح رہے این سی سی ڈے نیشنل کیڈٹ کورپس کے قیام کی نشان دہی کرتا ہے، جو نوجوانوں کی ایک اعلیٰ تنظیم ہے جو کیڈٹس میں نظم و ضبط، قیادت اور احساس ذمہ داری کو ابھارتی ہے۔ این سی سی کی اخلاقیات کو مدنظر رکھتے ہوئے،دو جموں وکشمیر گرلز بٹالین ایک منفرد انداز میں معاشرے کی خدمت کرنے کے فرض سے آگے بڑھ رہی ہے۔اس دورا ن بلڈ ڈونیشن کیمپ، گورنمنٹ میڈیکل کالج، جموں میں منعقد ہوا جس میں این سی سی کے 50 لڑکیوں اور لڑکوں نے حصہ لیا۔ اس تقریب نے بے لوث خدمت کے اس جذبے کی مثال دی جسے این سی سی اپنے کیڈٹس میں ڈالتا ہے۔وہیں این سی سی جموں گروپ نے قیادت اور سماجی ذمہ داری کو فروغ دینے کی اپنی لگن کے ساتھ، خون کے عطیہ کے محفوظ اور موثر عمل کو یقینی بناتے ہوئے بغیر کسی رکاوٹ کے ایونٹ کا انعقاد کیا۔
