لندن، 18 نومبر (یواین آئی) آسٹریلیا کے ڈومنک تھیوم نے گذشتہ یمپئن الیکسزندر جویریف کے سنہرے سفر پر روک لگاتے ہوئے سال کے آخری ٹورنامنٹ اے ٹی پی فائنلس کے خطابی مقابلے میں داخلہ حاصل کرلیا ہے جہاں وہ استیفانوس ستسپاس سے مقابلہ کریں گے جنہوں نے چھ بار کے چیمپئن روجر فیڈرر کو الٹ پھیر کا شکار بنایا۔ پانچویں سیڈ آسٹریلیائی کھلاڑی نے جرمن کھلاڑی جویریف کو سیمی فائنل میں مسلسل سیٹوں میں 7-5, 6-3سے شکست دیکر فائنل میں جگہ بنائی جبکہ اس سے پہلے ایک دیگر سیمی فائنل میں کیریر کی شروعات کرنے والے ستسپاس نے فیڈرر کو 6-3, 6-4سے شکست دیکر پہلی بار اس ٹورنامنٹ کے فائنل میں جگہ بنائی۔ تھیوم اپنے کیریر کے چوتھے اے ٹی پی فائنلس میں کھیل رہے ہیں لیکن ا س سے پہلے تین سیشنوں میں وہ بھی گروپ مرحلہ سے آگے نہیں پہنچ سکے تھے ۔ جویریف نے پہلے سرو پر 75 فیصد پوائنٹ جیتے لیکن تھیوم نے اہم مواقع پر پوائنٹ حاصل کئے اور اوپننگ سیٹ کے 12ویں گیم میں او ر دوسرے سیٹ کے چھٹے گیم میں جرمن کھلاڑی کی سروس بریک کی۔
آسٹریلیا ئی کھلاڑی نے ساتھ ہی چار بریک پوائنٹ بھی بچائے ۔ گزشتہ برس کے فائنل میں نوواک جوکووچ کو شکست دینے والے جویریف سرو پر ڈبل فالٹ کے ساتھ پہلا سیٹ گنوا بیٹھے ۔ ساتویں سیڈ کھلاڑی نے حالانکہ دوسرے سیٹ میں اچھی شروعات کی لیکن تھیوم نے ان کی سروس بریک کرکے 4-2کی سبقت بنا لی اور کچھ بریک پوائنٹ کے ساتھ آخر میں فورہینڈ لگاتے ہوئے سیٹ اور میچ اپنے نام کرلیا۔ تھیوم نے میچ کے بعد کہاکہ میرے لئے یہ بڑے خواب کے شرمندہ تعبیر ہونے جیسا ہے ۔ یہ بڑا ٹورنامنٹ ہے اور مجھے اس کا فائنل کھیلنے کا موقع مل رہا ہے ۔ 26سالہ کھلاڑی اس بار فرینچ اوپن کے فائنل میں بھی پہنچے تھے ۔ اس سے پہلے یونانی کھلاڑی ستسپاس نے سنسنی خیز کارکردگی کا مظاہرہ کرتے ہوئے ٹینس لیجنڈ سوئزرلینڈ کے فیڈرر کو شکست دیکر خطابی مقابلہ میں داخلہ حاصل کرلیا۔ چھٹی سیڈ ستسپاس کا فیڈرر کے خلاف یہ چوتھا مقابلہ تھا۔ 38سالہ فیڈرر نے اس بر ستسپاس کو دبئی او رباسیل میں 6-4, 6-4سے شکست دی تھی۔ لیکن ستسپاس نے یہ مقابلہ جیت کر فیڈر سے کیریر میں 2-2سے برابری کرلی۔
20بار کے گرینڈ سلیم یافتہ فیڈرر اس ٹورنامنٹ میں 17ویں بار سیمی فائنل کھلے رہے تھے اور گیارہویں فائنل کی تلاش میں تھے لیکن پہلے سیٹ میں سوئس ماسرٹ 1-4سے پچھڑنے کے بعد واپسی نہیں کرسکے اور مسلسل سیٹوں میں مقابلہ میں شکست کھا گئے
