پولیس نے معاملہ درج کر کے مزید تحقیقات شروع کر دی
مختار احمد
گاندربل؍؍ تھاجواس گلیشیئر سونمرگ میں منگل کو ایک عدم شناخت بوسیدہ لاش برآمد کی گئی ہے۔اطلاعات کے مطابق پولیس اسٹیشن سونمرگ کو اطلاع ملی کہ ایک عدم شناخت لاش سونمرگ کے تھاجواس گلیشیئر کے قریب موجود ہے۔وہیں اطلاع ملنے پر سونمرگ پولیس، ٹورسٹ پولیس موقع پر پہنچی اور لاش کو اپنی تحویل میں لیا۔تاہم بعد میں متوفی کی شناخت کمل تھاپا ماگر کے طور پر ہوئی ہے جو نیپال کا رہائشیہے۔ اس سلسلے میں پولیس نے ایک کیس درج کرکے کئی لوازمات پورے کرنے کے بعد مزید تحقیقاتی کاروائی شروع کردی ہے۔
