بھوپال، 06 اکتوبر (یو این آئی) مدھیہ پردیش میں بھارتیہ جنتا پارٹی (بی جے پی) نے آج پانچ اضلاع کے صدور کو تبدیل کر دیا کیونکہ وہ پارٹی کے توقعات پر پورا نہیں اترے۔
پارٹی کے ریاستی صدر وشنودت شرما نے بھنڈ میں دیویندر ناروریا، گوالیار نگر میں ابھے چودھری، گنا میں دھرمیندر سیکروار، اشوک نگر میں آلوک تیواری اور کٹنی ضلع میں دیپک سونی کو نئے ضلع صدر کے طور پر اعلان کیا ہے۔ ان اضلاع میں بالترتیب ناتھو سنگھ گرجر، کمل مکھیجانی، گجیندر سنگھ سیکروار، امیش رگھوونشی اور رام رتن پائل کو ریاستی ورکنگ کمیٹی کے اراکین کے طور پر مقرر کیا گیا ہے۔
پارٹی ذرائع کے مطابق حال ہی میں مکمل ہونے والے بلدیاتی انتخابات میں ان اضلاع میں تنظیمی سربراہوں کے کردار کے بارے میں شکایات موصول ہوئی تھیں۔ یہ پارٹی کی توقعات پر بھی پورا نہیں اترے۔ ان اضلاع میں پارٹی امیدواروں کو بھی شکست کا سامنا کرنا پڑا ہے۔
