الیکشن کمیشن کا ضابطہ اخلاق ’’مودی ضابطہ اخلاق‘میں تبدیل ہوچکا ہے:ممتا بنرجی
کلکتہ ؍؍مغربی بنگال کی وزیر اعلیٰ ممتا بنرجی نے منگل کے روز الزام لگایا ہے کہ الیکشن کمیشن نے بی جے پی لیڈروں کے خلاف الزامات پر آنکھیں بند کر لی ہیں کہ وہ انتخابی مہم کے دوران نفرت انگیز تقاریر کرتے ہیں’’ ماڈل کوڈ آف کنڈکٹ ‘‘کو ’مودی ضابطہ اخلاق‘میں تبدیل کر دیا ہے۔پرولیا میں ایک انتخابی ریلی سے خطاب کرتے ہوئیترنمول کانگریس کی سپریمو نے یہ بھی دعویٰ کیا کہ وزیر اعظم نریندر مودی اور دیگر سینئر بی جے پی لیڈر صرف خود کو ہندو سمجھتے ہیں، اور وہ دوسری برادریوں کے بارے میں نہیں سوچتے۔انہوں نے الزام لگایا کہ مودی اور بی جے پی کے دیگر رہنما اپنی نفرت سے بھری تقریروںسے نچلی ذات کے ہندوئوں، اقلیتوں اور دیگر پسماندہ طبقات کو ڈرا رہے ہیں لیکن الیکشن کمیشن خاموش ہے۔
بنرجی نے کہاکہ الیکشن کمیشن کا ماڈل ضابطہ اخلاق ایک مذاق بن گیا ہے اور اسے مودی کے ضابطہ اخلاق کے طور پر دوبارہ نام دیا جانا چاہئے۔مودی پر اپنا طنز جاری رکھتے ہوئے بنرجی نے کہا کہ انہوں نے اس سے قبل اس قدر جھوٹ بولنے والا وزیر اعظم نہیں دیکھا ہے۔انہوں نے سوال کیا کہ ہر شہری کے بینک اکائونٹ میں 15 لاکھ روپے دینے کے ان کے 2014 کے وعدے کا کیا ہوا؟ مفت ایل پی جی گیس دینے کے وعدے کا کیا ہوا؟ ان کے’’بیٹی بچائو بیٹی پڑھائو‘‘ پروجیکٹ کا کیا ہوا؟۔بنگال میں بی جے پی لیڈران ہر گاو?ں میںانا پورنا بھنڈار اسکیم کے تحت ہر غریب عورت کو 3000 روپے دینے کا جھوٹا وعدہ کر رہے ہیں۔ یاد رہے، بی جے پی نے بنگال میں غریبوں کو تین سال سے 100 دن کی اجرت روک رکھی ہے۔ چاول کے لیے ایک پیسہ بھی جاری نہیں کیا، ہم نے پوری رقم اپنے کندھے پر ڈال دی ہے تاکہ ہمارے غریبوں کو تنگی محسوس نہ ہو۔
ترنمول کانگریس کے سپریمو نے دعویٰ کیا کہ مودی صرف انتخابات کے دوران بنگال کا دورہ کرتے ہیں، اور انتخابات سے پہلے ہی دوبارہ منظر عام پر آتے ہیں۔بانکوڑا ضلع کے بشنو پور میں ایک اور ریلی میں بنرجی نے الزام لگایا کہ بی جے پی ووٹ جیتنے کے لیے قبائلی لوگوں کو نقد رقم کی پیشکش کر رہی ہے۔انہوں نے بنگال اور اس کی خواتین کو بدنام کرنے کی داستان باندھنے کی سازش کے تحت سندیشکھلی کی مائوں کو نقد رقم کی پیشکش بھی کی تھی۔ انہوں نے بنگال کی خواتین، ان کے وقار اور عزت نفس کا غلط اندازہ لگایا ہے۔
ایک حالیہ وائرل ویڈیو میں، یہ دعویٰ کیا گیا تھا کہ سندیش کھالی کے واقعات کے پیچھے بی جے پی لیڈرشوبھندو ادھیکاری کا ہاتھ تھا اور کئی خواتین کو ترنمول کانگریس کے لیڈروں کے خلاف مظاہرے کرنے کے لیے پیسے دیے گئے۔بی جے پی سمجھتی ہے کہ نقد تقسیم کرکے وہ ووٹ حاصل کرسکتے ہیں۔ لیکن اس طرح کے طرز عمل سے وہ بنگال کے لوگوں کی بے عزتی کر رہے ہیں۔ اگر بی جے پی کا کوئی لیڈر ووٹنگ کے دن سے پہلے آپ کی رہائش گاہ پر آتا ہے اور رقم کی پیشکش کرتا ہے تو 15 لاکھ روپے کا مطالبہ کریں۔ ان سے پوچھیں کہ مودی کے پہلے وعدوں کا کیا ہوا،۔
بنرجی نے کہا کہ اگر بی جے پی تیسری بار اقتدار میں واپس آتی ہے تو وہ دلتوں اور دیگر برادریوں کو ملک سے باہر پھینک دے گی۔’’مودی ہٹائو دیش بچائو‘‘ کا نعرہ بلند کرتے ہوئے، انہوں نے الزام لگایا کہ بی جے پی یکساں سول کوڈ کو نافذ کرنے کی سازش کر رہی ہے جس سے ایس سی، ایس ٹی، او بی سی اور مسلمان اپنی شناخت کھو دیں گے۔بنرجی نے دعویٰ کیا کہ انہیں ایک پیغام ملا ہے کہ اقلیتی برادری سے تعلق رکھنے والے ایک شخص کو پولنگ بوتھ کے راستے میں پیٹ پیٹ کر مار دیا گیا ہیتاہم، اس نے مزید کہا کہ ان کے پاس اس واقعے کی تفصیلات نہیں ہیں۔بنرجی نے حیرت کا اظہار کیا کہ آیا الیکشن کمیشن اس پر کارروائی اب تک نہیں کی ہے۔
