بٹھیاں بہروٹ میں مسافر بس حادثے کا شکار

زخمی جائے حادثہ سے راجوری ہسپتال منتقل

عمرارشدملک

راجوری؍ راجوری سے دوداسن بالا جابرہی بس بٹھیاں کے مقام پر اس وقت حادثے کا شکارہوئی جب ڈرائیور گاڑی لاپرواہی سے جلابرہا تھا۔ تفصیلات کے مطابق تھنہ منڈی سے تقریبا سات کلو میٹر کی دوری پر راجوری سے جانیوالی بس زیر نمبری JKO2G/2239 زیرو ٹو جی جوکوٹ بہروٹ اور بٹھیاں سے ہوتی ہوئی دوداسن بالا جارہی تھی کہ اچانک حادثہ کا شکار ہوگء۔مقامی لوگوں نے بتایا کہ لاپروہی کی وجہ سے بس ڈرائیور کیقابو سے باہر ہو کر تقریبا 100 فٹ نیچے مکی کی فصل میں الٹ گئی۔ بس میں سوار 17 افراد زخمی ہوئے جنہیں علاج کے لئے ضلع ہسپتال راجوری منتقل کیاگیا۔وہیں راجوری ہسپتال سے معلوم ہوا کہ 17 زخمیوں میں سے ایک کو جموں میڈیکل کالج منتقل کیا گیا ہے جبکہ دیگر زیر علاج راجوری ہسپتال میں ہیں۔وہیں اس موقعہ پر ضلع ترقیاتی کمشنر راجوری ڈاکٹر شاہد اقبال نے ضلع ہسپتال پہنچ کر زخمیوں کی عیادت کی اور ڈاکڑوں کو سخت ہدایت دی کہ کسی بھی قسم کی لاپروہی نہیں ہونی چاہیے۔