کہاکچھ عناصر لوگوں میں تفرقہ انگیز رجحانات کی حوصلہ افزائی اور حمایت سے خرمنِ امن میں آگ لگاناچاہتے ہیں
لازوال ڈیسک
جموں؍؍بی جے پی کے رکن راجیہ سبھا غلام علی کھٹانہ نے کہا کہ کچھ عناصر لوگوں میں تفرقہ انگیز رجحانات کی حوصلہ افزائی اور حمایت کرتے ہوئے جموں و کشمیر میں امن، سکون اور ترقی کو واپس لانے کے وزیر اعظم نریندر مودی کے وژن کو پٹری سے اتارنے پر تلے ہوئے ہیں۔ انہوں نے کہا کہ پی ڈی پی، این سی، کانگریس کا زمین سے رابطہ ختم ہو گیا ہے اور لوگوں نے انہیں لاک، سٹاک، بیرل مسترد کر دیا ہے۔ اب یہ جماعتیں جموں و کشمیر کے UT میں لوگوں کو دوبارہ تشدد اور دہشت گردی کو ہوا دینے کے لیے اکسانے کی کوشش کر رہی ہیں۔ضلع رامبن کے سناسر میں ایک بڑے عوامی اجتماع سے خطاب کرتے ہوئے ایم پی غلام علی نے کہا کہ وزیر اعظم نریندر مودی نے سیاسی اور اقتصادی دونوں محاذوں پر بے مثال اقدامات شروع کیے ہیں تاکہ یوٹی کے غریب اور معاشی طور پر محروم لوگ اس کا فائدہ اٹھا سکیں۔ انہوں نے کہا کہ پی ایم مودی کی قیادت والی حکومت نے ایس ٹی کو سیاسی ریزرویشن فراہم کیا اور ایس ٹی آبادی کے لیے 9 سیٹیں محفوظ کیں اس کے علاوہ حکومت نے ایل او سی، بین الاقوامی سرحد پر رہنے والے لوگوں کو ریزرویشن فراہم کیا، POJK پناہ گزینوں کو 5 لاکھ روپے فراہم کئے۔انہوں نے کہا کہ وزیر داخلہ امیت شاہ نے جموں اور راجوری میں عوامی ریلیوں کے دوران اعلان کیا تھا کہ پہاڑیوں کو ایس ٹی کا درجہ دیا جائے گا لیکن گجر بکروالوں کا حصہ کم نہیں کیا جائے گا اور بہت جلد اس سلسلے میں پارلیمنٹ میں ایک بل پیش کیا جائے گا۔ایم پی غلام علی نے کہا کہ حکومت ہند نے جنگلات کے حقوق کا قانون نافذ کیا ہے اور حال ہی میں ایم پی اے وائی اسکیم کے تحت بے زمینوں کو مکانات کی تعمیر کے لیے 5 مرلہ پلاٹ الاٹ کرنے کی پالیسی بھی وضع کی ہے۔ لیکن کچھ غریب مخالف جماعتیں یہ دعویٰ کر کے افواہیں پھیلا رہی ہیں کہ باہر کے لوگوں کو UT میں آباد کیا جائے گا جو سراسر غلط ہے۔لوگوں نے اپنے مطالبات کو بھی اجاگر کیا۔اس موقع پر ضلع صدر بی جے پی رامبن راجیشور کمار، اقلیتی مورچہ کے صدر طارق لون، ایس ٹی مورچہ کے صدر اتم سنگھ، سرپنچ جیا لال، حاجی محمد یوسف، حاجی محمد ذاکر، حاجی سلام دین، سابق صدر بی جے پی سرپنچ چودھری بشیر احمد کھٹانہ، وسیم چودھری، رزاق علی چیئرمین اے ڈی ڈی سی، راجندر کمار شرما، اے ایس پی رامبن گورو مہاجن اور دیگر موجود تھے۔
